डा. केसीले सुरु गरे १२ औं अामरण अनशन
काठमाडौं — मेडिकल शिक्षाका अभियन्ता प्रा. डा. गोविन्द केसीले माफियामूखी चिकित्सा शिक्षा विधेयक पारित गर्न लागेको आरोप लगाउँदै विभिन्न मागसहित सोमवार १२ औं आमरण अनशन शुरू गरेका छन् ।
यसअघि सरकारले आफुसंग गरेका सहमतिहरु पुरा नगरे असोज २० गते देखि अनशन थाल्ने चेतावनी दिएका थिए । तर, त्यसबेला समेत चिकित्सा विधेयकलाई तोडमोड गरेर पारित गर्न खोजे जुनसुकै बेला अनशनमा बस्ने चेतावनी डा. केसीले दिएका थिए ।
उनले मुलुक माफियाले चलाईरहेको आरोप लगाउँदै उनले आफूलाई दशैं आयो गयो भन्दापनि आम नेपालीको हित सर्वोपरी रहेको बताए ।
तस्बिरहरु : कविन अधिकारी/कान्तिपुर ।
प्रकाशित : आश्विन ९, २०७४ १३:४९