पहिरोले मोटरसाइकल पुरिँदा तीन घाइते
पाल्पा — सिद्धार्थ राजमार्ग अन्तर्गत तिनाउ गाउँपालिकाको दोभान र सिद्धबाबाको बीचमा रहेको हेडबक्स नजिकै पहिरोपछि खसेको ढुंगाले बुधबार सवारीसाधनमा लाग्दा तीन जना घाइते भएका छन् ।
जिल्ला ट्राफिक प्रहरीका अनुसार, ढुंगाले लागेर लु १७ प १८७३ नम्बरको मोटरसाइकल चालक रुपन्देही बुटवलका २६ वर्षिय रेमबहादुर घिमिरे र मोटरसाइकलमा पछाडि बसेकी बुटवलकै नमिता न्यौपाने घाइते भएका छन् ।
यस्तै गुडिरहेको बा १५ च ७५१४ नम्बरको स्कारपियो जीपमा ढुंगाले लाग्दा रुपन्देही सैनामैना-५ की २१ वर्षीय रिमा घिमिरे सामान्य घाइते भएको प्रहरीले जनाएको छ । घाइतेको लुम्बिनी अञ्चल अस्पताल बुटवलमा उपचार भइरहेको छ । ११ बजेदेखि राजमार्ग बन्द हुने भएपछि बिहानमा यस सडकमा सवारीको चाप बढेको थियो ।
प्रकाशित : आश्विन १८, २०७४ १२:१८प्रतिक्रिया