१८.१२°C काठमाडौं
काठमाडौं — मधेस आन्दोलनलगत्तै मधेसी जनाधिकारमा प्रवेश गर्नका लागि कांग्रेस छाडेका विजय गच्छदार १० वर्षपछि पुन: पुरानै पार्टी फर्किएका छन् । प्रधानमन्त्री निवास बालुवाटारमा आयोजित एकीकरण कार्यक्रममा बोल्दै उनले लोकतन्त्र जोगाउन कांग्रेससँग एकीकरण गरेको बताए ।
आजैबाट उनले नेतृत्व गरिरहेको पार्टी नेपाल लोकतान्त्रिक फोरम कांग्रेसमा विलय भएको छ । हिजो हुने भनिएको एकीकरण कार्यक्रम समानुपातिक टिकट बाँडफाँडका कारण ढिलाई भएको हो ।
कांग्रेस स्रोतका अनुसार एकीकरणपछि गच्छदारलाई पार्टी पदाधिकारीमा मनोनित गर्ने तयारी छ । उनलाई कांग्रेसको उपसभापति वा महामन्त्रीमध्ये एकमा मनोनित गर्ने तयारी भएको सभापति देउवा निकट एक कांग्रेस नेताले बताए ।
फोरम लोकतान्त्रिकमा पछि मिसिएका केही नेताले भने कांग्रेससँगको एकीकरण अस्वीकार गरेका छन् ।
एकीकरण कार्यक्रममा कांग्रेस नेता रामचन्द्र पौडेलसहित अन्य कांग्रेसी नेता तथा कार्यकर्ता र लोकतान्त्रिक फोरमका नेता कार्यकर्ता उपस्थित थिए ।
प्रकाशित : आश्विन ३०, २०७४ १४:००
