१८.१२°C काठमाडौं
काठमाडौंमा वायुको गुणस्तर: १२४

माओवादी केन्द्रले सरकार छोड्दै

चन्द्रशेखर अधिकारी

काठमाडौं — नेकपा (माओवादी) केन्द्रले मंगलबार सरकार छोड्ने भएको छ । प्रधानमन्त्री शेरबहादुर देउवाले मन्त्री हटाइदिन आग्रह गरेपछि सरकार छाड्न लागेको प्रवक्ता पम्फा भूसालले जानकारी दिइन् ।

माओवादी केन्द्रले सरकार छोड्दै

माओवादीतर्फबाट नेतृत्व गरेका सरकारमा सहभागी उपप्रधान तथा परराष्ट्रमन्त्री कृष्णबहादुर महराले मन्त्रालयमा पत्रकार सम्मेलन आयोजना गरेर आफूहरु पार्टीको निर्णय पर्खीरहेको बताए । उनले भने, ' सरकारबाट बाहिरिने पार्टीले निर्णय गर्छ, हामी तुरुन्त हट्न तयार छौं ।' पत्रकार सम्मेलनका क्रममा महराले मन्त्रालयका कर्मचारी, पत्रकारलगायतलाई धन्यवाद दिए । उपप्रधानमन्त्री महरा सोमबार पनि मन्त्रालय गएका थिएनन् ।

यस्तै गृहमन्त्री जनार्दन शर्माले मन्त्रालयमा पत्रकार सम्मलेन आयोजना गरेका गरेका छन् ।

पछिल्लोपटक प्रधानमन्त्री शेरबहादुर देउवाले राप्रपाबाट मन्त्री थपेर सरकार विस्तार गरेपछि माओवादीलाई सरकार छाड्ने नैतिक दबाब परेको हो । गत शुक्रबार प्रधानमन्त्री देउवाले राप्रपाका अध्यक्ष कमल थापा उपप्रधानमन्त्रीसहित ८ जनालाई मन्त्रिपरिषद्‌मा थप गरेका थिए ।

मंगलबार बिहान प्रधानमन्त्री देउवा र माओवादी केन्द्रका अध्यक्ष पुष्पकमल दाहालबीच पनि समसामयिक विषयमा छलफल भएको थियो । प्रधानमन्त्रीसँगको छलफलपछि दाहाल आफ्ना मन्त्रीहरुलाई सरकार छोड्ने लगाउने मुडमा पुगेको बुझिएको छ । माओवादीले नछाडे उक्त पार्टीबाट सरकारमा सहभागी मन्त्रीहरुलाई बिनाविभागीय बनाउने देउवाको तयारी थियो ।

शनिबार दाहाल निवास लाजिम्पाटमा बसेको माओवादी केन्द्र सचिवालय बैठकले भने सरकारलाई दिएको समर्थन यथावत राख्दै मन्त्री फिर्ता नबोलाउने निष्कर्ष निकालेको थियो ।

प्रकाशित : आश्विन ३१, २०७४ १२:३६
प्रतिक्रिया
पठाउनुहोस्
जनताको राय

त्रिभुवन विश्वविद्यालयमा बारम्बार परीक्षार्थीको उत्तरपुस्तिका हराउने गरेको छ। यसको समाधान कसरी हुन्छ?