डोटीमा बस दुर्घटना, ३ को मृत्यु, १८ घाइते

मोहन शाही

डोटी — डोटीको सबैभन्दा दुर्गम गाउँपालिका मानिने बड्डीकेदार गाउँपालिकाको सदरमुकाम खड्यौलीमा बिहीबार बस खस्दा तीन जनाको मृत्यु भएको छ । २१ जनालाई उपचारका लागि धनगढीतर्फ लगिएको छ ।

मृत्यू हुनेमा बड्डीकेदार गाउँपालिका वडा नं. मान्नाकापडीका जगदीश चन्द, सोही गाउँकी ३५ वर्षीया निर्मला पुनमगर र ३ वर्षीया बालिका पुष्पाकुमारी जेठारा रहेका छन् । सुप यातायातको ना३ख ५६४८ नम्बरको बस बड्डीकेदार गाउँपालिकाको अत्तरकाँडाबाट धनगढीतर्फ २४ जना यात्रु बोकेर फर्कंदै गर्दा खड्यौलीमा सडकबाट तल खसेको हो । बस सामान्य ठाउँबाट झण्डै डेढसय किलोमिटर तल खसेको प्रहरी उपरीक्षक मधुसुधन लुइँटेलले जानकारी दिए ।
बोगटान सडकका रुपमा चिनिने उक्त रुटमा वर्षात्‌का बेला सडक अवरुद्ध हुँदा गाउँपालिकाले दसैं अघिमात्र मर्मत गरी सञ्चालनमा ल्याइएको थियो ।
गत सोमबार मात्र डोटीको जोरायल गाउँपालिका वडा नं. १ गोगनपानीमा दुई यात्रुको मृत्यु भएको थियो । डडेल्धराका १४ वर्षीय बालक बिक्रम बोहरा र ६० वर्षीया वृद्धा बैतडीकी सरस्वती भण्डारीको मृत्यु भएको थियो । पाँचजना घाइते भएका थिए । डडेल्धुराबाट महेन्द्रनगरतर्फ जाँदै गरेको उग्रतारा यातायातको ना ४ ख ६८५६ र महाकाली यातायातको महेन्द्रनगरबाट बैतडी जाँदै गरेको ना५ख ६०८१ नम्बरको यात्रुबाहक बस एकआपसमा ठोक्किएका थिए ।

प्रकाशित : कार्तिक २, २०७४ ११:५४
प्रतिक्रिया
पठाउनुहोस्
ADVERTISEMENT
ADVERTISEMENT

तराईमा तिहारको झकिझकाउ [फोटोफिचर]

सन्तोष सिंह, जितेन्द्र साह

धनुषा, सुनसरी — कात्तिक कृष्ण औंसीका दिन बिहीबार देशभर धनधान्यकी देवी लक्ष्मीको पूजा तथा आराधना गरी दिपावली मनाइँदै छ । यसै क्रममा जनकपुरको जानकी मन्दिर आसपास बजारमा प्रसाद खरिद गर्नेको बिहानैदेखि भीड लागेको छ ।

केराको बोट, हरियो पात र फूलमालाले सुनरपट्टी झकिझकाउ पारिएको छ । मिष्ठान भण्डारहरुमा लड्डु खरिद गर्नेको घुइँचो छ । जानकी मन्दिर आसपासको सडक किनमेल गर्नेहरुका कारण जाम बढेको छ । 

 


ग्रामीण भेकका मधेसी एवं थारुको तिहार
जितेन्द्र साह
बर्जु (सुनसरी) 
केहीले पहेँलो र राता माटोले लिपपोत गरी घर चिटिक्क पारिसकेका छन् । कतै परिवारजनले धमाधम रंगरोगन एवं सरसफाइ गर्दैछन् । अघिल्तिरको सडकदेखि आँगनसम्म फोहोरको एकएक टुक्रा टिपिँदैछ । खाल्डाखुल्डी भरिँदैछ । घरको पर्खाल, मुख्यद्वार र आँगनलाई नयाँ बाँसको चोयाले निर्मित हरियै टाटीले घेरिंदैछ । पर्खाल र खाँबोका प्वालहरु माटोले पोतिँदैछ । यो दृश्य हो मधेसी एवं आदिवासी थारु बहुल बस्ती सुनसरीको बर्जु गाउँपालिकाको । नगर, सहर र बजारदेखि पूर्णतया भिन्न यहाँकाले मनै छुनेगरी तिहार मनाउँछन् । ‘चलि आएको रीतिरीवाजको पूर्ण पालन गरिरहेका छौं,’स्थानीय किसान ६९ वर्षीय खट्टर यादवले गर्वकासाथ भने । यस्तै यहाँ मोरङको विराटनगरमा तिहार तयारीको फोटोसमेत समेटिएको छ । 

प्रकाशित : कार्तिक २, २०७४ ११:५४
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT
ADVERTISEMENT
ADVERTISEMENT