संघीय समाजवादीले पनि भट्टराईलाई सघाउने

सुदीप कैनी

गोरखा — गोरखा क्षेत्र नम्बर २ का संघीय समाजबादी फोरमका उमेदवार सुकदेव तामाङले बुधबार आफ्नो उमेदवारी फिर्ता लिएका छन् । कांग्रेस र नयाँ शक्ति गठबन्धनका उमेदवार डा. बावुराम भट्टराईलाई समर्थन गर्दै उनले तामाङले आफ्नो नाम फिर्ता लिएका हुन् ।

त्यस्तै राप्रपा प्रजातान्त्रिकबाट क्षेत्र नम्बर २ को प्रदेश (क) मा उमेदवार बनेका रुद्रराज पाण्डेले पनि उमेदवारी फिर्ता लिएको निर्वाचन अधिकृत एकनारायण लम्सालले बताए । पाण्डेले नयाँ शक्तिबाट सोहि प्रदेशमा उमेदवार बनेका हरिशरण आचार्यलाई सघाउने छन् । उमेदवारी फिर्ता पछि क्षेत्र न‌ं. २ मा कांग्रेस–नयाँ शक्ति गठबन्धनसहित चार पार्टीको तालमेल भएको छ । राप्रपाले पनि सोहि गठबन्धनका उमेदवार भट्टराईलाई मतदान गर्ने जनाएको छ ।

गत स्थानीय तह चुनावमा समाजवादी फोरमको मशाल चिन्हमा नयाँ शक्तिले चुनाव लडेको थियो । क्षेत्र नम्बर २ मा फोरमको पाँच सय भन्दा बढी र प्रदेश (क) मा राप्रपा प्रजातान्त्रिकको पनि ५ सय भन्दा बढी मत रहेको अनुमान गरिएको छ । प्रतिनिधि र प्रदेशसभामा बामपन्थी गठबन्धनबाट माओवादी नेता नारायणकाजी श्रेष्ठ र माओवादी नेतृ कमला नहर्की उमेदवार छन् ।

प्रकाशित : कार्तिक ८, २०७४ १७:२२
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT

फिल्म साउथ एसियाको ११ औं संस्करण अर्को हप्ता शुरू हुने

कान्तिपुर संवाददाता

काठमाडौं — ‘फिल्म साउथ एसियाको एघारौ संस्करण यही कार्तिक १६ गते बिहीबारदेखि ललितपुरको यलमाया केन्द्रमा शुरू हुने भएको छ ।

फिल्म साउथ एशियाले बुधबार जारी गरेको बिज्ञप्ति अनुसार ‘वृत्तचित्र: एक साक्षी’ नाराका साथ हुन लागेको 'फिल्म साउथ एसिया २०१७' चार दिनसम्म चल्नेछ । सन् २०१५ यता बनेका दक्षिण एसियाका समसामयिक विषयहरूमा केन्द्रित तीन सयभन्दा बढि वृत्तचित्रहरूमध्येबाट छानिएका उत्कृष्ट ६३ वृत्तचित्रहरू प्रदर्शन गरिनेछ ।

सन् १९९७ मा शुरू भएको यो द्विवार्षिक मेलाले परिवर्तनकारी सोचलाई प्रवर्धन गर्ने दक्षिण एसियाली विषयका वृतचित्रहरू विगत २० वर्षदेखि प्रदर्शन गर्दै आएको छ । फिल्म साउथ एसिया २०१७ ले यस क्षेत्र र विश्वका उत्कृष्ठ सिनेमाकर्मीहरूलाई एकै मञ्चमा ल्याएर वृत्तचित्रका बारेमा छलफल गर्ने र वृत्तचित्र निर्माणलाई प्रभावकारी बनाउने उद्देश्य राखेको आयोजकले जनाएको छ ।

यो वर्ष प्रदर्शन हुने ६३ मध्ये ४५ वटा वृत्तचित्रहरूले पाँचवटा पुरस्कारकालागि प्रतिस्पर्धा गर्नेछन् । उत्कृष्ट हुने वृत्तचित्रले दुई हजार अमेरिकी डलर राशी रहेको रामबहादर ट्रफि प्राप्त गर्नेछ भने द्वितीय हुने वृत्तचित्रले एक हजार, निर्देशकको पहिलो वृत्तचित्रहरुमध्येमा उत्कृष्ट हुनेले एक हजार अमेरिकी डलरको तारेक मसूद पुरस्कार, बालबालिकाको विषयकेन्द्रित उत्कृष्ट वृत्तचित्रले एक हजार अमेरिकी डलरको युनिसेफ पुरस्कार र विद्यार्थीहरूले निर्माण गरेकामध्येको उत्कृष्ट वृत्तचित्रले पाँच सय अमेरिकी डलर पुरस्कार प्राप्त गर्नेछन् ।

वरिष्ठ पत्रकार कुन्द दीक्षित संयोजक र पाकिस्तानी सिनेमाकर्मी फरजाद नावी र भारतीय पत्रकार राजश्री दासगुप्ता सदस्य रहेको निर्णायक समितिले उत्कृष्ट वृत्तचित्रहरू छान्नेछ । सो समितिले छानेका पुरस्कृत र अन्य प्रतिनिधि वृत्तचित्रहरूलाई २०१८ मा ‘ट्राभलिङ् फिल्म साउथ एसिया’को नामबाट दक्षिण एसिया र विश्वका अन्य भागहरूमा पनि प्रदर्शन गरिनेछ ।

‘फिल्म साउथ एसिया २०१७’ मा दई विशेष खण्डहरू समावेश गरिएका छन् । अधिल्लो पटक शुरू भएको ‘विद्यार्थी वृत्तचित्रहरू’मा भावी सिनेमाकर्मीहरूको ६ वटा वृत्तचित्र प्रदर्शन गरिनेछ भने ‘विद्रोहका वृत्तचित्र’ खण्डमा दक्षिण एसियाली देशमा प्रतिबन्धित वा विद्रोहसँग सम्बन्धित १२ वटा वृत्तचित्रहरू प्रदर्शन गरिनेछ । ‘विद्रोहका वृत्तचित्र’ खण्ड दक्षिण एसियामा खुम्चदै गएको आलोचनात्मक सार्वजनिक वहस क्षेत्रभित्रबाट वाक् तथा अभिव्यक्ति स्वतन्त्रताको सीमालाई फराकिलो बनाउने प्रयास हो ।

चर्चित भारतीय पत्रकार शशी कुमार ‘फिल्म साउथ एसिया २०१७’ को प्रमुख अतिथि हुनेछन् । कुमार चेन्नईमा रहेको एसियन कलेज अफ जर्नालिज्म सञ्चालन गर्ने मिडिया डेभेलेपमेन्ट फाउण्डेसनका संस्थापक अध्यक्ष हुन् । सिनेमाकर्मीका रूपमा समेत परिचित कुमार भारतको पहिलो क्षेत्रीय स्याटेलाइट टिभी च्यानल एसियानेटका समेत संस्थापक हुन् ।

प्रकाशित : कार्तिक ८, २०७४ १७:०९
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT