हात्तीको पुच्छर र चाँदीका गहनासहित दुई जना पक्राउ
काठमाडौं — प्रहरीले महत्तरीको बर्दिबास नगरपालिकाबाट हात्तीको पुच्छर र चाँदीका गहनासहित दुई जनालाई पक्राउ गरेको छ ।
इलाका प्रहरी कार्यालय, बर्दिबासबाट खटिएको टोलीले कैलाली, टिकापुर नगरपालिका-१ का ३९ वर्षीय विश्वराज तिवारी र कालिकोट, तिलगुफा नगरपालिका-९ का ३९ वर्षीय रंगलाल कोइरालालाई पक्राउ गरेको जनाएको छ । तिवारी चाँदीका गहना र कोइराला हात्तीको पुच्छरसहित पक्राउ परेका हुन् । उनीहरुबाट चाँदी ९ किलो ४० ग्राम र हात्तीको पुच्छरजस्तो देखिने वस्तु १५ हजार ३२५ थान बरामद भएको प्रहरीले जारी गरेको विज्ञप्तिमा उल्लेख छ ।
बरामद चाँदी ४ लाख २५ हजार ६ सय २५ रुपैयाँबराबरको रहेको छ । ब्रासलेट, औंठी, सिक्री, पाउजु गेडालगायत आकारमा चाँदी बरामद गरिएको छ ।
प्रकाशित : कार्तिक २९, २०७४ २०:०७