चुनावी सभामा गीत गाउन पुगेका जनगायक खुसीराम पाख्रिनको निधन

विमल खतिवडा

चितवन — पूर्वसभासद् एवं जनगायक खुसीराम पाख्रिनको हृदयघातका कारण निधन भएको छ । जिल्लाको केन्द्रीय बसपार्क परिसरमा मंगलबार वाम गठबन्धन आयोजना गरेको चुनावीसभामा सहभागी पाख्रिनलाई असहज भएपछि अस्पताल लाँदै गर्दा बाटोमै निधन भएको मा‌ओवादी केन्द्रका चितवन इञ्चार्ज ईश्वरी भट्टराईले जानकारी दिए ।

पूर्वसभासद् एवं जनगायक खुसीराम पाख्रिनको हृदयघातका कारण निधन भएको छ ।

जिल्लाको केन्द्रीय बसपार्क परिसरमा मंगलबार वाम गठबन्धन आयोजना गरेको चुनावीसभामा सहभागी पाख्रिनलाई असहज भएपछि अस्पताल लाँदै गर्दा बाटोमै निधन भएको मा‌ओवादी केन्द्रका चितवन इञ्चार्ज ईश्वरी भट्टराईले जानकारी दिए । उनको हृदयघातबाट निधन भएको अस्पताल स्रोतले जनाएको छ । सभास्थलमा रहँदा असहज महसुस भएपछि पाख्रिनलाई नारायण सामुदायिक अस्पताल लगिएको थियो ।

सभामा जनगायक पाख्रिनले गीत गाएका थिए । माओ‌वादीले सञ्चालन गरेको सशस्त्र युद्धकालमा पाख्रिनले गाएका ‘भोका नाङ्गा नानीहरु' गीत निकै चर्चित बनेको थियो । उनी २०३८ सालदेखि जनतालाई चेतना जगाउने गीत लेख्दै गाँउदै र तीनमा संगीत भर्दै हिँडेका थिए । जनताको मूक्तिको सपना देखेर युद्धमा होमिएका खुशीरामले आफ्ना छोरा अमरलाई युद्धकालमै गुमाएका थिए ।

चुनावीसभा सुरु हुनुअघि माओवादी केन्द्रका अध्यक्ष एवं पूर्वप्रधानमन्त्री पुष्पकमल दाहाल पुत्र दिवंगत प्रकाश दाहालप्रति श्रद्धाञ्जली अर्पण गरिएको थियो । प्रकाश दाहालको आइतबार बिहान आकस्मिक हृदयघातका कारण निधन भएको थियो ।

प्रकाशित : मंसिर ५, २०७४ १७:२२
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT

युएईमा दोश्रो म्युजिक अवार्ड हुँदै

कान्तिपुर संवाददाता

काठमाडौं — दोश्रो नेपाली म्युजिक भिडियो अवार्ड युनाइटेड अरब ईमिरेट्स (युएई) को अबुधाबीमा हुने भएको छ ।

सगिंक्षा फिल्मस् र नमस्ते ट्राभल्स एण्ड टुर्स युएईको संयुक्त आयोजनामा डिसेम्बर १ तारिकका दिन आबुधाबी स्थित फक्लोर थिएटर हलमा हुन गइरहेको छ । अवार्ड कार्यक्रममा नेपालबाट ४५ भन्दा बढी कलाकारहरू युएई आउने आयोजकका तर्फबाट नमस्ते ट्राभल्सका एकेन्द्रबहादुर थापाले वताए ।

नायक विवेक सिंह ठकुरी, बिरेन्द्र हमाल, नायिका निरूता सिंह, बिनिशा हमाल, नम्रता सापकोटा, सिपोरा गुरूङ्, महिमा सिलवाल लगायतका कलाकारहरु अबुधाबी आउनेछन् ।
त्यसैगरी हाँस्य कलाकार जितु नेपाल, शंकर बिसी, लोक तथा दोहोरी गायक खुमन अधिकारी र लोकनाथ सापकोटा आउने भएका छन् ।

कार्यक्रममा संगीत, म्युजिक भिडियो, म्युजिक भिडियो निर्देशक लगायत २२ बिधामा अवार्ड प्रदान गरिनेछ । त्यसैगरी ५ बिधामा युएईमा रहेर कलाकारितामा निरन्तरता दिएका नेपाली कलाकारलाई समेत अवार्ड प्रदान गरिने आयोजकले जनाएको छ ।



सगिंक्षा फिल्मस् र नमस्ते ट्राभल्स एण्ड टुर्स युएईको संयुक्त आयोजनामा डिसेम्बर १ तारिकका दिन आबुधाबी स्थित फक्लोर थिएटर हलमा हुन गइरहेको छ । अवार्ड कार्यक्रममा नेपालबाट ४५ भन्दा बढी कलाकारहरू युएई आउने आयोजकका तर्फबाट नमस्ते ट्राभल्सका एकेन्द्रबहादुर थापाले वताए ।

नायक विवेक सिंह ठकुरी, बिरेन्द्र हमाल, नायिका निरूता सिंह, बिनिशा हमाल, नम्रता सापकोटा, सिपोरा गुरूङ्, महिमा सिलवाल लगायतका कलाकारहरु अबुधाबी आउनेछन् ।
त्यसैगरी हाँस्य कलाकार जितु नेपाल, शंकर बिसी, लोक तथा दोहोरी गायक खुमन अधिकारी र लोकनाथ सापकोटा आउने भएका छन् ।

कार्यक्रममा संगीत, म्युजिक भिडियो, म्युजिक भिडियो निर्देशक लगायत २२ बिधामा अवार्ड प्रदान गरिनेछ । त्यसैगरी ५ बिधामा युएईमा रहेर कलाकारितामा निरन्तरता दिएका नेपाली कलाकारलाई समेत अवार्ड प्रदान गरिने आयोजकले जनाएको छ ।

प्रकाशित : मंसिर ५, २०७४ १७:२२
पूरा पढ्नुहोस्
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT
ADVERTISEMENT
ADVERTISEMENT