हेलिकप्टरमार्फत मतदान सामग्री ढुवानी

सुदीप कैनी

गोरखा — सडक सञ्जाल नपुगेका २७ मतदान केन्द्रमा हेलिकप्टरले मतदान साम्रगी ढुवानी गरेको हो । नेपाली सेनाको हेलिकप्टरले ती दुई गाउँपालिकाको विभिन्न स्थानमा सदरमुकामबाट मतदान अधिकृतसहित निर्वाचन सामग्री लगेको जिल्ला निर्वाचन अधिकारी नारायण सापकोटाले बताए ।

दुर्गम उत्तरी क्षेत्रको चुमनुव्री र धार्चे गाउँपालिकामा मतपत्र, मतपेटिकालगायत मतदान केन्द्रमा आवश्यक पर्ने सामग्री हेलिकप्टरबाट ढुवानी गरिएको छ ।

मतदान अधिकृतबाहेक सुरक्षाकर्मी र अन्य कर्मचारी मंसिर २ गते नै पैदल यात्रा गरेर त्यसतर्फ गई सकेका छन् । सदरमुकामबाट पैदल यात्रा गरेर ३ देखि ७ दिन लाग्ने मतदान केन्द्रहरुमा हेलिकप्टरबाट मतदान सामग्री लगिएको हो । प्रमुख जिल्ला अधिकारी जितेन्द्र बस्नेतले मतदान सकिएपछि मतपेटिकाहरु समेत हेलिकप्टरले नै ढुवानी गर्ने बताए ।

चुमनुव्रीको सामागाउँ, नामरुङ, सिर्दिबास छेकम्पार, धार्चेको माछिखोला, खोर्लाबेशी काशिगाउँमा हेलिकप्टरबाट सामग्री लगिएको हो । २७ केन्द्रका सामग्री हेलिकप्टरबाट ढुवानी गरिएको निर्वाचन कार्यालयले जनाएको छ ।

मंसिर १० गते संघ र प्रदेश सभाको निर्वाचन सकिएपछि मतपेटिका संकलन गरेर सदरमुकाम ल्याउने तयारी समेत गरि सकिएको छ । मतदान अधिकृत र सुरक्षाकर्मीले सदरमुकाम ल्याउन मतपेटिका मंसिर २१ गते सम्म भण्डार गरेर राखिने ठाउँ छनौट गरिएको मुख्य निर्वाचन अधिकृत बसन्तराज पौडेलले बताए ।

क्षेत्र नम्बर १ को प्रदेश सभा सहितको मतपेटिका मुख्य निर्वाचन अधिकृतको कार्यालय रहेको महिला तथा बालबालिका कार्यालय र क्षेत्र नम्बर २ को मतपेटिका जिल्ला समन्वय समितिमा भण्डार गरेर राखिने छ । अन्य जिल्लामा दोस्रो चरणमा हुने निर्वाचन सकिए लगत्तै भण्डार गरेर राखिएको मतपेटिका खोलेर गणना सुरु गरिने उनले बताए । ‘सुरक्षाकर्मीले २४ सै घण्टा सुरक्षा दिएर मतपेटिका राख्ने प्रबन्ध मिलाई सकेका छौं’, उनले भने, ‘भण्डार गरिएकै ठाउँमा गणना हुन्छ ।’

२८२ वटै मतदान केन्द्रमा बिहिबार सम्म मतदान अधिकृत, कर्मचारी र सुरक्षाकर्मी सहित मतदान सामग्री पुग्ने पौडेलले बताए । जिल्लाको ३ वटा मतदान केन्द्रलाई महिलामैत्री मतदान केन्द्र बनाईएको छ । गोरखा नगरपालिकाको ओल्ड क्यापिटल बोर्डिङ, सरस्वती मावि आहाले र बालमन्दिर मावि छहेरमा मतदान अधिकृत, कर्मचारी देखि सुरक्षाकर्मी सम्म महिला रहने छन् । क्षेत्र नम्बर १ मा ९८ हजार ६ सय २२ र क्षेत्र नम्बर २ मा ९०८२६ जना मतदान सहभागी हँुदैंछन् । निर्वाचनका लागि जिल्लाभर ४ हजार भन्दा बढी सुरक्षाकर्मी र करिब दुई हजार कर्मचारी खटिएका छन् ।

 

प्रकाशित : मंसिर ६, २०७४ १६:२९
ADVERTISEMENT
प्रतिक्रिया
पठाउनुहोस्

उपेन्द्रलाई उमेशको प्रश्न–‘रामराजालाई कसले राष्ट्रपति हुन दिएन ?’

अवधेशकुमार झा

राजविराज — निर्वाचनको तिथी नजिकिँदै गर्दा सप्तरीमा चुनावी लहर झन् तातदै गएको छ । उम्मेदवारहरुले मतदाता आकर्षित गर्न तथा प्रचारप्रचार अभियानलाई अघि बढाउन सक्रिय छन् ।

निर्वाचनको तिथी नजिकिँदै गर्दा सप्तरीमा चुनावी लहर झन् तातदै गएको छ ।

उम्मेदवारहरुले मतदाता आकर्षित गर्न तथा प्रचारप्रचार अभियानलाई अघि बढाउन सक्रिय छन् । संघीय समाजवादी फोरम नेपालका अध्यक्ष उपेन्द्र यादव, वाम गठबन्धनका तर्फवाट पूर्वमन्त्री उमेशकुमार यादव र तथा राजपाका पूर्वसहमहामन्त्री जयप्रकाश ठाकुरबीचको चुनावी प्रतिस्पर्धाले सप्तरी २ नम्बर क्षेत्रको प्रचारप्रसार अरु क्षेत्रभन्दा तीव्र र प्रतिस्पर्धात्मक हुँदै गएको छ । तिनै उम्मेदवार जनतासितको भेटघाट, घरदैलो र ग्रामीणसभा गर्न व्यस्त देखिएका छन् ।

सप्तरी २ वाट वाम गठबन्धनका उम्मेदवार रहेका पूर्वसिँचाईमन्त्री उमेशकुमार यादवले बुधबार पत्रकार सम्मेलन गर्दै आफ्ना प्रतिस्पर्धीको चर्को आलोचना गरे । उनले आफू सिँचाईमन्त्री हुँदा र सांसद हुँदाका बेला गरेको निक्कै काम गरेको दाबी गर्दे फेहरिस्त प्रस्तुत गरे । उनले आफ्ना प्रतिस्पर्धी उम्मेदवार फोरम अध्यक्षलाई लक्षित गर्दे भने,‘अहिले जिल्ला छाडेर सप्तरी चुनाव लड्न आएकालाई सोध्नुस् सप्तरीका भूमिपुत्र रामराजाप्रसाद सिंहलाई कसले र किन राष्ट्रपति हुन दिएन, कसले छलछाम गर्‍यो ?’ उनले फोरम अध्यक्ष यादवसहितका मधेसवादी दलका शीर्ष तहका केही नेता जनतासित चिटिङ गरिरहेको आरोप लगाए ।

फोरम अध्यक्ष उपेन्द्र यादवले पछिल्लो समय चुनावी सभाहरुमा माओवादीलाई निशाना बनाउँदै आएका छन् ।

प्रकाशित : मंसिर ६, २०७४ १६:२९
पूरा पढ्नुहोस्
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT
ADVERTISEMENT