धादिङका २ मतदान केन्द्रमा भेटिएको सकेट बम सेनाद्वारा निस्कृय

हरिहरसिंह राठौर

धादिङ — राजधानीसँग जोडिएको धादिङको जीवनपुर कोरमाईलो डाँडास्थित मतदान केन्द्रमा राखिएको बम नेपाली सेनाले शनिबार बिहान निस्कृय तुल्याएको छ । तत्कालिन जीवनपुर गाविस भवनमा हाल धुनीवेसी नगरपालिका—५ को वडा कार्यालय स्थापना गरिएकोछ ।

उक्त मतदान केन्द्रमा शुक्रवार राति बम राखिएको आशंका गरिएको छ । 

शुक्रबार साँझ गाविस भवनमा शंकास्पद बस्तु भेटिएपछि स्थानीयले प्रहरीलाई खबर गरेका थिए । 

जीवनपुर र गजुरीको कर्कलेस्थित मतदान केन्द्र जाने चिसापानी सडकमै राखेको बम पनि शनिबार बिहानै नेपाली सेनाले निस्कृय गरेको गजुरीस्थित ईलाका प्रहरी कार्यालयका प्रहरी निरीक्षक सञ्जय तिमल्सिनाले बताए ।

यसै सातामात्रै  सेनाले ५ वटा बम निस्कृय पारिसकेको छ ।

 

प्रकाशित : मंसिर ९, २०७४ १३:०२
ADVERTISEMENT
प्रतिक्रिया
पठाउनुहोस्

विप्लवका कार्यकर्ताद्वारा वडाध्यक्षको अपहरण

भीमबहादुर सिंह

जाजरकोट — कुशे गाउँपालिका १ का वडाअध्यक्ष गोपालबहादुर नेपाली अपहरणमा परेका छन् । वडाध्यक्ष नेपालीलाई विप्लव नेतृत्वको नेकपाका कार्यकर्ताले अपहरण गरेका हुन् ।

शुक्रबार राति वडा कार्यालय नजिकैबाट नेकपाका ६/७ जना कार्यकर्ताले जबरजस्ती लिएको भाइ प्रमोदले बताए । निर्वाचनको तयारीबारे छलफल गरिरहेको अवस्थामा विप्लवका कार्यकर्ताले अपहरण गरेर लिएको उनले बताए । 

प्रतिकार गर्दा पनि छुटाउन नसकेको उनले बताए । नेकपाका जिल्ला इञ्चार्ज हरिचन्द्र जैसीले नेपालीलाई अपहरण गरेको स्वीकारेका छन् । निर्वाचनलाई बहिष्कार गर्ने उद्देश्यले नेपालीलाई अपरण गरेको जैसीले बताए । 

नेपाली गत स्थानीय निर्वाचनमा एमालेबाट वडाध्यक्ष चुनिएका थिए । नेपाली सेना, नेपाल प्रहरीलगायत सुरक्षाकर्मी वडा अध्यक्ष नेपालीको खोजीका टालेगाउँ तर्फ हिडेको प्रहरी नायव उपरीक्षक भावेश रिमालले बताए ।

प्रकाशित : मंसिर ९, २०७४ १२:२६
पूरा पढ्नुहोस्
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT