पूर्वएआईजीपी राईले छाडे नयाँ शक्ति

नयाँ शक्ति पार्टीका केन्द्रीय कार्यकारिणी सदस्य एवं पूर्वएआईजीपी गणेशराज राईले पार्टी परित्याग गरेका छन् ।

पार्टी नेत्तृवमा अनुशासन र निष्ठा नदेखिएको भन्दै उनले मंगलबार विज्ञप्ति निकालेर नयाँ शक्ति परित्यागको घोषणा गरेका हुन् । ‘अनुशासन र निष्ठा नेतृत्वका गुणमा हुनुपर्छ भन्ने मान्यता जति गर्दा पनि स्थापित गर्न सकिएन । त्यसैले मैले आफूलाई राजनीतिबाट अलग राख्ने निर्णय लिएको छु’उनले जारी गरेको विज्ञप्तिमा भनिएको छ, ‘३० वर्षसम्म कठोर अनुशासन तथा पद्धतिमा बसेर काम गर्ने बानी परेको मलाई विधि पालना गर्न नपर्ने, नेताको मुखको बोलीका आधारमा चल्ने राजनीतिक संगठनमा काम गर्न सहज महसुस भएन ।’

नयाँ शक्तिमा करिब २ वर्ष बिताएका पूर्वप्रहरी अतिरिक्त महानिरीक्षक (एआईजीपी) राईले पार्टीको सुरक्षा तथा अनुसन्धान विभाग प्रमुखको जिम्मेवारी समेत सम्हालेका थिए ।

पूर्वएआईजीपी राईले जारी गरेको विज्ञप्ति