उद्धार नहुँदा त्रिशूली बस दुर्घटनाका घाइते अलपत्र, आफ्नै खर्चमा पीडितले मगाए हेलिकप्टर

हरिहरसिंह राठौर

धादिङ — उद्धार नगरी छाडिएपछि त्रिशूली बस दुर्घटनाका घाइते अलपत्र परेका छन् । उद्धारमा पुगेका एम्बुलेन्सले ठाउँ नभएको भन्दै छाडिएपछि दुर्घटनाका दुई घाइते अलपत्र परेका हुन् । घाइते अर्घाखाँची अजुरी-४ की ४९ वर्षीया सरिता न्यौपाने र उनका छोरा केशरमणि न्यौपाने कुरिनघाटको मनोकामना पोलिक्लिनिकमा अलपत्र अवस्थामा छन् ।

उद्धार नगरी छाडिएपछि त्रिशूली बस दुर्घटनाका घाइते अलपत्र परेका छन् ।

उद्धारमा पुगेका एम्बुलेन्सले ठाउँ नभएको भन्दै छाडिएपछि दुर्घटनाका दुई घाइते अलपत्र परेका हुन् । घाइते अर्घाखाँची अजुरी-४ की ४९ वर्षीया सरिता न्यौपाने र उनका छोरा केशरमणि न्यौपाने कुरिनघाटको मनोकामना पोलिक्लिनिकमा अलपत्र अवस्थामा छन् ।

अलपत्र परेकी सरिताकी छोरा केशरमणि न्यौपाने ।

अर्का अलपत्र घाइते ध्रुव दोमासेको परिवारले आफ्नै खर्चमा हेलिकप्टर मगाएर बिरामी काठमाडौंको ग्रान्डी अस्पताल पुर्‍याएको छ । उक्त हेलिकप्टरमा घाइते निशा थापा पनि पठाइएको पारिवारिक स्रोतले जनाएको छ । उद्धार गर्नुअघि उनीहरु पनि कुरिनघाटको मनकामना पोलिक्लिनिकमा थिए ।

उक्त दुर्घटनामा घाइते भएकाको समयमै उद्धार गरी उपचार नहुँदा थप एक जनाको मृत्यु भएको प्रहरीले जनाएको छ । काठमाडौंबाट २८ जना यात्रुको चलानी लिएर हिँडेको लु२ख २९१ नम्बरको बस बुधबार त्रिशुलीमा खस्दा मृतकको संख्या ८ पुगेको छ । २४ जना घाइते छन् ।

मृतक ८ मध्ये १ जनाको मात्रै सनाखत भएको छ । प्रहरीका अनुसार मृत्यु हुनेमा देवदह-१०, गोदाहका दीपक पाण्डे छन् ।

गलत दिशाबाट आएको बा६ख ४९७२ को ट्रकसँग ठोक्किएर बस दुर्घटनामा परेको प्रहरीले जनाएको छ । ट्रकका चालक र सहचालकलाई नियन्त्रणमा लिइएको छ ।

दुर्घटनापछि नदीमा बेपत्ता बस सशस्त्र प्रहरीको गोताखोरले २५ फिट गहिराईमा भेट्टाएको छ । सशस्त्रको विपत व्यवस्थापन टोलीका गोताखोरले चितवनको फिस्लिङ र चुम्लिङटारको बीचमा पर्ने स्थानबाट खसेको बसलाई क्रेन लगाएर निकाल्ने तयारी गरिरहेको छ ।

प्रकाशित : मंसिर १३, २०७४ १४:३५
प्रतिक्रिया
पठाउनुहोस्

जसले राजकुमार ह्यारी र मेगानको जोडी मिलाइन्

वेस्टेनहोल्ज आफै कुनै बेला ह्यारीको संभावित श्रीमतीको रुपमा हेरिन्थ्यो
कान्तिपुर संवाददाता

काठमाडौं — बेलायती राजकुमार ह्यारी र अमेरिकी नायिका मेगान मार्केलबीच इन्गेजमेन्ट भयो । उनीहरुलाई सोधियो, तिमीहरुको भेट कसरी र कहिले भयो ?

ह्यारीको जवाफ यति मात्र थियो, 'हाम्रो भेट एक जना साथीले आयोजना गरेको 'ब्लाइण्ड डेट' मा भएको हो ।' मेगानले त्यसमा थप्दै भनिन्, 'हामी यो भन्दा धेरै भन्न चाहन्नौं, हामीले उनको निजत्वको पनि सम्मान गर्नुपर्छ ।'

मेगानको कुराबाट ति 'म्याचमेकर' महिला हुन् भन्ने प्रष्ट भएपनि को हुन् भन्ने कुरा खुलेन । अनि सुरु भयो, संसारको ध्यान तान्ने बेलायती राजकुमार र अमेरिकी नायिकाको लगन जुराउने ति महिलाको खोजी ।

धेरैले धेरैको अड्क काटे । तर, अन्तत् बेलायती पत्रिका द टेलिग्राफले ठोकेरै लेख्यो, यो राजकीय जोडी मिलाउने त्यो रहस्यमयी 'लमी' हुन्, वायलेट वोन वेस्टेनहोल्ज ।

३३ बर्षीया वेस्टेनहोल्ज फेसन कम्पनी राल्फ लउरेनका जनसम्पर्क निर्देशक हुन् । उनले नै राजकुमार ह्यारी र मेगानबीच 'ब्लाइन्ट डेट' मिलाएको बिश्वास गरिएको छ । 'ब्लाइन्ट डेट' भनेको संभावित प्रेम तथा रोमान्सका लागि यसअघि कहिल्यै नभेटेकाहरुबीच मिलाइएको चाँजो अनुसार भेटघाट हो ।

एक प्रश्नमा वेस्टेनहोल्जले भनेका छन्, 'यो विषयमा अरुलाई नै बोल्न दिउँ ।' उनले यो ठूलो स्टोरी भएको उल्लेख गर्दै उनीहरु संगै खुशी रहने बिश्वास ब्यक्त गरिन् । भनिन्, 'म खुशी छु, साँच्ची नै खुशी छु, उनीहरु संगै हुनु राम्रो कुरा हो ।'

ह्यारी र मेगानबीच गत बर्ष जुलाई १ देखि ५ सम्ममा मेगान लण्डनमा रहेको बेला सोहो हाउस क्लवमा भएको विश्वास गरिएको छ । त्यसबेला वेस्टेनहोल्जले इन्स्टग्राममा पोष्ट गरेकी थिइन्, 'लभबर्ड्स इन लण्डन ।'

वेस्टेनहोल्ज बेलायतका पूर्व ओलम्पिक स्कीयरका छोरी तथा राजकुमारका नजिकका साथी हुन् । यसअघि एक पटक वेस्टेनहोल्ज आफै राजकुमार ह्यारीको संभावित श्रीमतीको रुपमा डेलमेलले लेखेको थियो ।

प्रकाशित : मंसिर १३, २०७४ १४:३५
पूरा पढ्नुहोस्
प्रतिक्रिया
पठाउनुहोस्