गौचन हत्याकाण्डका मुख्य आरोपी समिरमान बस्नेत पक्राउ

सीआईबीद्वारा पत्रकार सम्मेलन गरेर सार्वजनिक
जनकराज सापकोटा

काठमाडौं — निर्माण व्यवसायी महासंघका अध्यक्ष शरदकुमार गौचनको गोली हानी हत्या गर्ने गिरोहका मुख्य योजनाकार समीरमान बस्नेतलाई नेपाल प्रहरीको केन्द्रीय अनुसन्धान ब्युरो (सीआईबी)ले पक्राउ गरी आइतबार दिउँसो २ बजे सार्वजनिक गरेको छ । ब्युरोका प्रमुख डीआईजी पुष्कार कार्कीले मुख्य योजनाकार बस्नेत चितवनबाट पक्राउ परेको बताए ।

निर्माण व्यवसायी महासंघका अध्यक्ष शरदकुमार गौचनको गोली हानी हत्या गर्ने गिरोहका मुख्य योजनाकार समीरमान बस्नेतलाई नेपाल प्रहरीको केन्द्रीय अनुसन्धान ब्युरो (सीआईबी)ले पक्राउ गरी आइतबार दिउँसो २ बजे सार्वजनिक गरेको छ ।

ब्युरोका प्रमुख डीआईजी पुष्कार कार्कीले मुख्य योजनाकार बस्नेत चितवनबाट पक्राउ परेको बताए । यसअघि नेपाल प्रहरीले मुख्य सुटरसहित ५ जनालाई हत्याकाण्डको ३७ दिनपछि पक्राउ गरी सार्वजनिक गरेको थियो । असोज २३ गते शान्तिनगरस्थित घरबाट निस्केका गौचनलाई दिउँसो पौने ३ बजे मोटरसाइकलमा आएका दुई युवाले गाडीभित्रै गोली हानेका थिए । आपराधिक समूहले सबै निर्माण व्यवसायीबाट फिरौती रकम उठाएर आफूलाई बुझाउन दिएको धम्कीयुक्त आदेश नमानेपछि उनीमाथि गोली प्रहार भएको प्रहरीले निष्कर्ष निकालेको छ ।

प्रहरीले मुख्य सुटर नुवाकोट पञ्चकन्या गाउँपालिका ४ घर भएका २१ वर्षीय राजीव स्याङ्तान, हतियार र मोटरसाइकलको व्यवस्थापन गर्ने पर्सा कालिकामाई गाउँपालिका १ घर भएका शिवजी महतो, हतियार व्यवस्थापन गर्ने काममा खटिएका विहार भारतका मुकेशकुमार पाण्डे, मोटरसाइकल व्यवस्थापन गर्ने पर्सा ठोरी गाउँपालिका ५ का सन्तोष गुरुङ र सहयोगी भूमिका निर्वाह गरेका काठमाडौं नागार्जुन नगरपालिका ४ का प्रकाश बुढाथोकीलाई पक्राउ गरी सार्वजनिक गरेको थियो ।

प्रहरीका अनुसार भारतका विभिन्न स्थानमा बसेर नेपालमा फिरौती असुलीको धन्दा चलाइरहेका समीरमान बस्नेतको योजनामा गौचनको हत्या गरिएको हो । प्रहरीले बस्नेतसहित रूपन्देहीका युवासंघ अध्यक्ष दुर्गा तिवारीको हत्या गरेका मनोज पुन, गत चैतमा गौरीघाटमा गुन्डा नाइके दावा लामामाथि गोली प्रहार गर्ने लोप्साङ लामा, बोका भनेर चिनिने गंगा लिङदेन, नेपाली सेनाका भगौडा काले दाइ भनिने अम्बरबहादुर लामा, सेनाकै अर्का भगौडा श्यामबहादुर गुम्बे, घटनाका मुख्य योजनाकार समीरका भान्जा पर्ने रोशन बुढाथोकी र अजय थापालाई फरार अभियुक्तका रूपमा लिएको थियो।

प्रकाशित : मंसिर १७, २०७४ १३:४६
ADVERTISEMENT
प्रतिक्रिया
पठाउनुहोस्
ADVERTISEMENT

माधव नेपाल भन्छन्– ‘कांग्रेसले हार स्वीकार गरिसक्यो’

नयाँ शक्तिका उम्मेदवार एमालेमा
कान्तिपुर संवाददाता

काठमाडौं — एमाले नेता माधवकुमार नेपालले कांग्रेसले आगामी प्रतिनिधि/प्रदेशसभा चुनावमा हार स्वीकार गरिसकेको दाबी गरेका छन् ।काठमाडौं प्रेस चौतारी र प्रेस सेन्टरको मिडिया सेन्टरमा आइतबार भएको अन्तर्क्रियामा नेता नेपालले कांग्रेसका नेताहरुले अभिव्यक्तिमार्फत हार स्वीकार गरेको बताए ।

एमाले नेता माधवकुमार नेपालले कांग्रेसले आगामी प्रतिनिधि/प्रदेशसभा चुनावमा हार स्वीकार गरिसकेको दाबी गरेका छन् ।

काठमाडौं प्रेस चौतारी र प्रेस सेन्टरको मिडिया सेन्टरमा आइतबार भएको अन्तर्क्रियामा नेता नेपालले कांग्रेसका नेताहरुले अभिव्यक्तिमार्फत हार स्वीकार गरेको बताए । ‘कम्युनिष्ट शासन आए रुन पनि पाइन्न भन्नु, कम्युनिष्ट अधिनायकवादी शासन आउँछु भन्ने हार स्वीकार गर्नु हो,’ नेता नेपालले भने, ‘वाम तालमेलले कांग्रेसमा भूइँचालो गएको छ ।’

पछिल्ला निर्वाचनका आधारमा वामपन्थी मत ६५ प्रतिशतभन्दा बढी रहेको उल्लेख गर्दै नेता नेपालले ती मतहरु प्हिलोपटक एकीकृत भएकाले आगामी निर्वाचनमा सहजै बहुमत आउने दाबी गरे । ‘पहिलोपटक हामी वाम दलको बहुमत बनाउने अवसर नजिक पुगेका छौं,’ उनको भनाइ थियो, ‘५ वर्ष स्थिर सरकार बनाएर जनतालाई विकास र समृद्धि प्रत्याभूति गरेर छाड्छौं ।’

तीनपटक पाएको बहुमत कांग्रेसले जोगाउन नसकेको उल्लेख गर्दै नेपालले कांग्रेस इतिहासकै कमजोर अवस्थामा पुगेको बताए ।

नयाँ शक्तिका उम्मेदवार एमालेमा

कार्यक्रममा नयाँ शक्ति पार्टी, नेपालका काठमाडौं– २ का उम्मेदवार गणेश सिम्खडा एमाले प्रवेश गरेका छन् । उनलाई सोही क्षेत्रका वाम गठबन्धनका उम्मेदवार एवं पूर्वप्रधानमन्त्री माधवकुमार नेपालले स्वागत गरे ।

सिम्खडाले नयाँ शक्ति पार्टी संयोजक बाबुराम भट्टराई सैद्धान्तिक विचलनको अवस्थामा पुगेकाले आफूले पार्टी परित्याग गरेको बताए ।

प्रकाशित : मंसिर १७, २०७४ १३:०१
पूरा पढ्नुहोस्
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT
ADVERTISEMENT