शिवपुजनको उम्मेदवारी खारेजी यथावत्

न्यायाधीशहरू दीपकराज जोशी र डम्बरबहादुर जोशीको संयुक्त इजलासले बुधबार यादवको रिट निवेदनमाथि सुनुवाइ गर्दै अन्तरिम आदेश जारी गर्न नपर्ने आदेश दिएको हो।

आयोगको निर्णयविरुद्ध यादवले सर्वोच्च अदालतमा रिट निवेदन हालेका थिए। उनीमाथि कूटनीतिक राहदानी दुरुपयोगको आरोपमा सजायको फैसला भएकाले उम्मेदवारी खारेज हुनुपर्ने मागसहित निर्वाचन आयोगमा उजुरी परेको थियो। फौजदारी कसुरमा प्रमाणित भएको व्यक्ति निर्वाचनमा प्रतिस्पर्धा गर्न पाउँदैनन्।