मुस्ताङमा मतगणना तीव्र, आधा मतगणना सकियो

विनोद त्रिपाठी

मुस्ताङ — मुस्ताङको मतगणना अनुसार अहिले राति १० बजेसम्म एमालेले प्रतिनिधि र प्रदेशसभामा अग्रता लिएको छ । ३ हजार ६ सय मत गनिसक्दा प्रतिनिधिसभाका लागि एमालेका प्रेमप्रसाद तुलाचनले १८२४ मत प्राप्त गरेका छन् ।

कांग्रेसका रोमी गौचन थकालीले १७९० मत पाएका छन् । 

प्रदेशसभामा पनि एमालेकै अग्रता कायम छ । प्रदेश (क) तर्फ एमालेका इन्द्रधारा बिष्टले ५ सय ६३, कांग्रेसका मिक्युर गुरुङले २ सय ६४ मत पाएका छन् । प्रदेश (ख) मा एमालेका महेन्द्र थकालीले ६ सय ३८ र कांग्रेसका छिरिङ दावा गुरुङले ५ सय ६६ मत प्राप्त गरेका छन् । राप्रपा प्रजातान्त्रिककका प्रविण कुमार शेरचनले अहिलेसम्म २ भोट पाएका छन् । यहाँ ६ हजार ७ सय ७३ जनाले मतदान गरेका थिए । 

Yamaha

मंसिर १० गते भएको प्रतिनिधी र प्रदेशसभा चुनावको मतगणना जोमसोममा बिहिबार साँझ ५ बजेदेखि सुरु भएको हो । मतगणनामा दलहरुका प्रतिनिधि राखेर कर्मचारीहरु गणना कार्यमा खटिएका प्रमुख निर्वाचन अधिकृतको कार्यालयले जनाएको छ ।

गणनास्थलमा उम्मेदवार, दलहरुका कार्यकर्ता र सर्वसाधारणको भीड लागेको छ । प्रत्येक उम्मेदवारका एक/एक प्रतिनिधि गणनामा खटिएका छन् । रातमा शून्य डिग्री तापक्रम हुने भएकोले दलहरुका कार्यकर्ताहरु न्यानो कपडा ओढेर गणनास्थल बाहिर बसेका छन् । गणनास्थलमा सुरक्षा अबस्था कडा पारिएको छ । 

 

Esewa Pasal

प्रकाशित : मंसिर २१, २०७४ २२:२६
ADVERTISEMENT
प्रतिक्रिया
पठाउनुहोस्
ADVERTISEMENT

मुस्ताङमा मतगणना सुरु

कुनै अवरोध नभए आजै राति १ बजेसम्म सबै परिणाम आइसक्ने
विनोद त्रिपाठी

मुस्ताङ — यही मंसिर १० गते भएको प्रतिनिधि र प्रदेशसभा चुनावको मतगणना मुस्ताङको सदरमुकाम जोमसोममा बिहीबार ५ बजेदेखि सुरु भएको छ । मतगणनामा दलहरुका प्रतिनिधि राखेर कर्मचारीहरु गणना कार्यमा खटिएका प्रमुख निर्वाचन अधिकृतको कार्यालयले जनाएको छ ।

गणनाको लागि मतपेटिका राखिएको स्थान र मतपेटिकाहरु रुजु गर्ने काम भइरहेको छ । जिल्ला समन्वय समितिको कार्यालयमा राखिएका मतपेटिका सबै चेक चलिरहेको र चार समूह बनाएर गणना कार्य सुरु गरिएको प्रमुख निर्वाचन अधिकृत बलराम त्रिपाठीले जानकारी दिए । प्रतिनिधिसभा र प्रदेशसभाको दुई दुई स्थान तोकेर मतगणना चलिरहेको छ । दुबैसभाको गणना सकिएपछि समानुपातिकको गणना हुने अधिकृत त्रिपाठीले बताए । एउटामात्र निर्वाचन क्षेत्र रहेको मुस्ताङमा प्रतिनिधिसभाका लागि २ र प्रदेशसभाका ५ जना गरी ८ जना उम्मेदवार उठेका थिए ।
 
जिल्लाभरिका ३७ वटा मतदान केन्द्रका १ सय ११ वटा मतपेटिका एकसाथ गणना चलिरहेको छ । गणना हुने अघिल्लो दिनदेखि मतदाता र कार्यकर्ताको गणनास्थलमा भीड लागेको छ । भोट गनेको थाहा पाउन उपल्लो मुस्ताङका विकट छोन्हुप, छोसेर, लोमान्थाङ, सुर्खाङ, घमी, चराङ, मुक्तिक्षेत्र र झुसाङ क्षेत्र वरपरबाट दलहरुका कार्यकर्ता सदरमुकाम जोमसोम आएका छन् ।

११ दिनसम्म मतपेटिका राखिएको स्थानमा पहिलो घेरामा प्रहरी, दोस्रोमा सशस्त्र र तेस्रोमा सेनाले पहरा दिएर बसेका थिए । चौथो घेरामा दलहरुका प्रतिनिधिहरु रातभरि चिसोमा मतपेटिका कुरेका थिए । मुस्ताङमा ९ हजार ४ सय २७ मतदातामध्ये ६ हजार ७ सय ७३ जनाले भोट दिएका थिए । यो कुल मतदाताको मतमध्ये ७१ दशमलव ८४ प्रतिशत भोट हो ।

प्रतिनिधिसभाका लागि कांग्रेसबाट रोमी गौचन थकाली, वाम घटकबाट प्रेमप्रसाद तुलाचन, प्रदेशसभाका लागि कांग्रेसका मिक्युर गुरुङ, छिरिङ दावा गुरुङ, एमालेका इन्द्रधारा विष्ट र महेन्द्र थकाली, राप्रपा (प्रजातान्त्रिक)का प्रवीण शेरचन चुनावी मैदानमा छन् । कुनै अवरोध भएन भने राति १ बजेसम्म सबै मतपरिणाम आइसक्ने प्रमुख निर्वाचन अधिकृतको कार्यालयले जनाएको छ । 

मुस्ताङ समन्वय समिति कार्यालयमा राखिएका मतपेटिकाहरु । तस्बिर : विनोद त्रिपाठी/कान्तिपुर । 
 

प्रकाशित : मंसिर २१, २०७४ १७:१३
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT