ताप्लेजुङमा समानुपातिक मत गणना सकियो

कांग्रेस भन्दा एमाले ६ हजार मतले अगाडि
आनन्द गौतम

ताप्लेजुङ — समानुपातिक तर्फ ताप्लेजुङमा एमाले र कांग्रेसबीच ६ हजार मतको अन्तर भएको छ । आज सम्पन्न समानुपातिक तर्फको मत गणना अनुसार एमालेले २० हजार ७ सय ४० मत प्राप्त गरेको छ भने कांग्रेसले १४ हजार ७ सय ९९ मत पाएको छ । माओवादी केन्द्रले ६ हजार ३ सय ४१ मत प्राप्त गरेको छ ।

पहिचानको मुद्दा उठाएको संघीय लोकतान्त्रिक राष्ट्रिय मञ्च चौथो पार्टी भएको छ । उसले २ हजार ९ मत पाएको छ । यहाँ ५१ हजार ७ सय ४८ मत झरेको थियो भने ४ हजार ६ सय ९२ मत बदर भएको थियो । 

प्रदेशसभा तर्फ ‘क’ मा एमालेले १० हजार ८ सय ११ कांग्रेसले ७ हजार ४ सय ५८ र माओवादी केन्द्रल ३ हजार ४ सय ४१ मत प्राप्त गरेको छ । २८ हजार ९ सय ६६ मत खसेको यहाँ ३ हजार ५ सय २१ मत बदर भएको थियो । 

‘ख’ केन्द्रमा एमालेले ८ हजार ३ सय ८ कांग्रेस ६ हजार १ सय ५५ र माओवादीले २ हजार ८ सय ९७ मत प्राप्त गरेका छन् । २२ हजार ७ सय ८२ मत झरेको यहाँ ३ हजार ६ सय ३ मत बदर भएको छ ।  

प्रकाशित : मंसिर २५, २०७४ १६:२४
ADVERTISEMENT
ADVERTISEMENT
प्रतिक्रिया
पठाउनुहोस्

रायमाझीको अग्रता कायमै

वीरेन्द्र केसी

अर्घाखाँची — वाम गठबन्धनबाट प्रतिनिधिसभाका उम्मेदवार माओवादी केन्द्रका नेता एवं पूर्वउपप्रधानमन्त्री टोपबहादुर रायमाझी मगतणनाको सुरुवातदेखि नै अग्रस्थानमा छन् । उनलाई कांग्रेस उम्मेदवार डा. रामबहादुर बिसीले पच्याइरहेका छन् ।

पछिल्लो मतपरिणाम अनुसरा रायमाझीले ४२ हजार १ सय २५ मत ल्याएका छन् भने बिसीले २७ हजार ७ सय ४१ मत ल्याएका छन् । १४ हजार ३ सय ८४ मत अन्तरले रायमाझी अगाडी छन् । २०६४ र ०७० को संविधानसभा चुनावमा उनी विजयी भएका थिए । पहिलो जीतमा मन्त्री र दोस्रो जितमा उपप्रधानमन्त्रीसम्म उनी भए । 

०७० को चुनावमा पनि रायमाझी र बिसीबीच टक्कर भएको थियो । त्यतिबेला एक हजार ५२ मत अन्तरले रायमाझीले चुनाव जितेका थिए । मतगणना जिल्ला समन्वय समितिको सभाहलमा गणना भइरहेको छ । वाम गठबन्धनका उम्मेदवारले अग्रता लिएपछि एमाले, माओवादी केन्द्र र राष्ट्रिय जनमोर्चाका नेता तथा कार्यकर्ता मतगणनास्थल वरपर टुँडिखेलमा उपस्थिति बाक्लिँदै गएको छ । 

प्रतिनिधिसभाको लागि १ लाख ३८ हजार ३ सय २८ मतदाता मध्यो ८९ हजार २ सय ४० मत खसेको थियो । अहिलेसम्म ७४ हजार ८१ मत गणना भइसकेको मुख्य निर्वाचन अधिकृतको कार्यालयले जनाएको छ । प्रदेशसभामा पनि वाम गठबन्धनकै उम्मेदवारले अग्रता लिएका छन् ।

प्रकाशित : मंसिर २५, २०७४ १६:१५
पूरा पढ्नुहोस्
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT
ADVERTISEMENT