समानुपातिकमा पनि एमालेको अग्रता कायमै

कान्तिपुर संवाददाता

काठमाडौं — प्रतिनिधिसभाको समानुपातिक तर्फको मतगणनामा पनि नेकपा एमालेले अग्रता जारी राखेको छ । निर्वाचन आयोगका अनुसार सोमबार साँझ ६ बजेसम्ममा कुल १५ लाख ३५ हजार ३ सय १२ मत गणना हुँदा एमालेले ५ लाख ६४ हजार ४ सय २९ मत ल्याएर पहिलो स्थान लिएको हो ।

त्यसैगरी नेपाली कांग्रेस ५ लाख ३० हजार ३ सय २४ मत ल्याएको दोस्रो स्थानमा रहेको छ भने माओवादी केन्द्रले २ लाख ४८ हजार ६ सय ६१ मत ल्याएर तेस्रो स्थानमा रहेको छ । चौथो स्थानमा ३१ हजार ७ सय ९० मत ल्याएर विवेकशी साझा रहेको छ भने राप्रपा पाँचौं, राष्ट्रिय जनता पार्टी छैटौं र संघीय समाजवादी सातौं स्थानमा रहेको छ ।

प्रदेशसभाहरु तर्फको समानुपातिक मतको गणनामा पनि अिधकांशमा एमालेले नै अग्रता लिएको छ । प्रदेश १, ३, ५ र ६ मा एमालेले अग्रता लिएको छ भने प्रदेश ४ र ७ मा कांग्रेसले अग्रता लिएको छ । प्रदेश २ मा भने रावपा अगाडि छ । साझा विवेकशील पार्टीले उपत्यकासमेत रहेको प्रदे तीनमा उल्लेख्य मत ल्याएपिन अन्य प्रदेशबाट नगन्यमात्र मत पाएका छन् ।

प्रकाशित : मंसिर २५, २०७४ १८:४६
प्रतिक्रिया
पठाउनुहोस्

च्याम्पियन्स लिगमा चर्चित टोलीको घम्साघम्सी

सुबास हुमागाईं

काठमाडौं — युरोपेली च्याम्पियन्स लिगको राउण्ड अफ १६ को खेलमा युरोपका चर्चित टोली आमने सामने हुने भएका छन् । सोमबार युइएफएको मुख्यालयमा आयोजित ड्र अनुसार स्पेनिस लिग विजेता रियल म्याड्रिड र फ्रान्सेली टाेली पेरिस सेन्ट जर्मेन भिड्ने भएका छन् ।

यस्तै स्पेनको बार्सिलोनाले इंग्लिस प्रिमियर लिग विजेता चेल्सीसँग खेल्नेछ । इटालियन लिग विजेता युभेन्ट्स र इंग्लिस टोली टोटेनहम हट्स्पर आमनेसामने हुनेछन् । जर्मन लिग च्याम्पियन बायर्न म्युनिखले बेसिक्टासको चुनौती सामना गर्नेछ ।

अन्य खेलमा म्यानचेस्टर सिटीले एफसी बेसलसँग खेल्नेछ भने लिभरपुलले एफसी पोर्टोको सामना गर्दैछ । म्यानचेस्टर युनाइटेडले सेभियाको सामना गर्दा शाख्तार डोनेस्कले एएस रोमासँग खेल्नेछ ।

प्रकाशित : मंसिर २५, २०७४ १७:३०
पूरा पढ्नुहोस्
प्रतिक्रिया
पठाउनुहोस्