काठमाडौं — अख्तियार दुरुपयोग अनुसन्धान आयोगले मालपोत कार्यालय कलंकीका नासु शेरबहादुर थापा र नारायणमणि खनालविरुद्ध भ्रष्टाचार मुद्दा दायर गरेको छ । दुवैजना लालपुर्जा बनाउने सेवाग्राहीसँग लिएको ३० हजार रुपैयाँ घूससहित पक्राउ परेका थिए ।
कानुन व्यवसायी कपिलदेव खड्कासमेत रंगेहात पक्राउ परेका थिए । तर अख्तियारले खड्कालाई भने मागदाबीमा छुट दिई सरकारी साक्षीका रूपमा विशेष अदालतमा पेस गरिने जनाएको छ ।