को बन्ला प्रदेश १ को मुख्यमन्त्री ?

भीम आचार्य र शेरधन राईबीच रस्साकस्सी
प्रदीप मेन्याङ्बो, विद्या राई

सुनसरी/भोजपुर — प्रदेशसभा र प्रतिनिधिसभाको चुनाव सकिएलगत्तै प्रदेश १ मा मुख्यमन्त्री को बन्ने भन्नेमा एमाले भित्रैका ‘हेभिवेट’ नेताहरुवीच रस्साकस्सी सुरु भएको छ । मुख्य मन्त्री बन्नका लागि संबैधानिक प्रक्रिया जे भए पनि दुई जना नेताहरुबीच रस्साकस्सीले दिनदिनै प्रदेश १ मा एमालेभित्र बहस पेचिलो बन्दै गएको छ ।

प्रदेश १ मा एमालेको एकल बहुमत भए पनि प्रदेश सरकारमा बामगठबन्धन सहभागी हुनेछ । 

भोजपुरबाट प्रदेशसभामा विजयी भएका एमाले पोलिटब्यूरो सदस्य पुर्व संचारमन्त्री शेरधन राई र सुनसरीबाट विजयी एमाले केन्द्रीय सचिव भीम आचार्यले मुख्य मन्त्रीको दाबी गरिरहेका छन् ।  मुख्य मन्त्री बन्ने दौडमा रहेका पूर्वसञ्चारमन्त्री राई आफुलाई पार्टीले लामो समयदेखि योजना बनाएरै मुख्यमन्त्री बनाउनकै लागि प्रदेशसभाको चुनावी मैदानमा उतारेको बताए । प्रदेश १ को उपसंयोजक समेत रहेका उनले भने, ‘अरु जोसुकैले दावी गरेपनि अबको नेतृत्व मेरो हो ।’ 

शेरधन यसअघि पटक–पटक निर्वाचन लडेर जितेका अविवाहित युवा नेता हुन् । विद्यार्थी राजनीति हँुदै जनमतसंग्रहकै पालादेखि एमाले राजनीतिमा होमिएका उनी ०५६ र ०७० मा सांसद निर्वाचित भएका थिए । उनले भने, ‘प्रदेश १ को मुख्यमन्त्री हुने लगभग टुंगो भैसकेकाले प्रदेशको विकास निर्माणलाई योजनाबद्ध लैजाने सम्बन्धमा मानसिक तयारी गरिकेको छु । मुख्य मन्त्री बन्नबाट अब मलाई कसैले रोक्न सक्दैन ।’ उनले जारी संविधानको कार्यान्वयन गर्ने, स्थायी शान्ति, राजनीतिक स्थिरता र देशमा सुशासन कायम गर्ने उनका एजेण्डा बनाएका छन् ।  

एमाले सचिव समेत रहेका पूर्वपर्यटन मन्त्री आचार्य पार्टीको मर्यादाक्रममा शेरधन राई भन्दा बरिष्ठ र प्रदेश १ को संयोजक भएकाले मुख्य मन्त्री बन्ने आफू नै हुने बताउँदै आएका छन् । पूर्वपर्यटन मन्त्री समेत भएका उनले भने, ‘पार्टीको सिनियर सदस्य भएकाले पार्टीले मलाई नै मुख्य मन्त्री बनाउने छ । लोकतन्त्रमा अरुले पनि दावी गर्नु अनौठो होइन । मुख्यमन्त्री कस्लाई बनाउने भन्ने विषय पार्टीले निर्णय गर्ने हो ।’

दुवै नेताको निष्पक्ष मुल्याङ्कन गरेर वरिष्ठता, अनुभव र स्वच्छ छविको आधारमा मुख्य मन्त्री बनाइन्छ : योगेश भट्टराई [एमाले प्रचाव विभाग प्रमुख]

एमाले सचिव भीम आचार्यले आफ्नो मुख्य मन्त्री बन्ने आफ्नो अडान छाड्ने संकेत नभएको एमाले श्रोतले जनाएको छ । आचार्यले आफूले मुख्य मन्त्री बन्नकै लागि भनेर प्रतिनिधिसभा सदस्यमा उम्मेदवारी नदिएको बताए ।

पार्टी स्रोतले भने एकजनालाई प्रदेश मुख्य मन्त्री अर्कालाई सभामुख बनाउन सकिने विकल्पबारे छलफल भइरहेको बताएको छ ।

एमालेका केन्द्रीय सचिव योगेश भट्टराईले पार्टीको केन्द्रीय कमिटी र स्थायी समितिको बैठक बसेर केन्द्र सरकार र प्रदेश सरकार बनाउने टुंगो लगाउने बताए । बामगठबन्धनको सहयात्री माओवादी केन्द्रसँग पनि पार्टीले संयुक्त बैठक बसेर केन्द्र र प्रदेश सरकार बनाउने विषयमा सुक्ष्म छलफल गरेपछि मुख्य मन्त्रीको टुंगो लाग्ने भट्टराईले बताए । उनले भने, ‘प्रदेश सरकारको हकमा पहिले संसदीय दलको नेता छान्छौं त्यसलाई संसदीय दलका सदस्यहरुले अनुमोदन गर्छन् । अनुमोदित संसदीय दलको नेता मुख्य मन्त्री हुन्छ ।’ दुवै नेताको निष्पक्ष मुल्याङ्कन गरेर वरिष्ठता, अनुभव र स्वच्छ छविको आधारमा मुख्य मन्त्री बनाउने उनले बताए । 

प्रदेशसभा सदस्यको निर्वाचन भएर निर्वाचन आयोगले परिणाम सार्वजनिक गरेको ३५ दिनभित्र मुख्य मन्त्री नियुक्त गरिसक्नु पर्ने संवैधानिक प्रावधान रहेको छ । संविधानविद टीकाराम भट्टाईका अनुसार केन्द्र सरकारको जस्तै संरचना प्रदेश सरकारको हुन्छ । मुख्य मन्त्री बनाउने वा नियुक्त गर्ने काम प्रदेश प्रमुखले गर्छ । प्रदेश प्रमुख भने केन्द्र सरकारले नियुक्त गरेको हुन्छ । 

हालसम्म सरकारले सातै प्रदेशमा प्रदेश प्रमुख नियक्त गर्न सकेको छैन । संघीय गणतत्रान्त्रिक संरचनामा प्रवेश गरेको नेपाली राजनीतिमा प्रदेश सरकार र स्थानीय सरकारको अभ्यास नयाँ भएकाले केही जटिलता आउन सक्छन् । तर बामगठबन्धनले आफ्नो बर्चश्व कायम गरेकाले प्रदेश १ मा एमाले एक्लैले मुख्य मन्त्री बनाउने अवसर खुलेपनि मुख्य मन्त्रीका आकांक्षीहरुको लर्को लागेको छ । 

संविधानविद भट्टराईले भने, ‘मुख्य मन्त्री हुनकालागि प्रदेशसभामा बहुमत प्राप्त संसदीय दलको नेतालाई प्रदेश प्रमुखले नियुक्त गर्ने छ ।’ संसदीय दलको नेता बनाउने कार्य प्रदेशसभा सदस्यहरुको संसदीय भेलाले गर्ने छ । कुल निर्वाचित प्रदेशसभाको सदस्य मध्येबाट २० प्रतिशत सदस्यमात्र मन्त्री बनाउने संवैधानिक प्रावधान रहेको भट्टराईले बताए । 

प्रकाशित : पुस ३, २०७४ १२:०१
प्रतिक्रिया
पठाउनुहोस्

अमेरिकाको एट्लान्टा विमानस्थलमा विद्युत आपूर्ति बन्द हुँदा हजारौं यात्रु अलपत्र

१००० भन्दा बढी उडान तथा अवतरण रद्द
बीबीसी

अमेरिका — अमेरिकाको एट्लान्टास्थित हार्टस्फिल्ड–ज्याक्सन विमानस्थलमा स्थानीय समयअनुसार आइतबार दिउँसो १ बजे केही समयका लागि विद्युत आपूर्ति बन्द भएपछि कैयौं यात्रुहरु अलपत्र परेका छन् ।बिदाको समय सुरु भएसँगै निकै चापमा संचालन भइरहेको व्यस्त विमानस्थलमा विद्युत आपूर्ति बन्द भएपछि त्यहाँबाट उडान तथा अवतरण गर्न लागेका सबै विमानहरुले आफ्नो सेवा स्थगित गरेपछि यात्रुहरु विचल्लीमा परेको बीबीसीले जनाएको छ ।

अमेरिकाको एट्लान्टास्थित हार्टस्फिल्ड–ज्याक्सन विमानस्थलमा स्थानीय समयअनुसार आइतबार दिउँसो १ बजे केही समयका लागि विद्युत आपूर्ति बन्द भएपछि कैयौं यात्रुहरु अलपत्र परेका छन् ।

बिदाको समय सुरु भएसँगै निकै चापमा संचालन भइरहेको व्यस्त विमानस्थलमा विद्युत आपूर्ति बन्द भएपछि त्यहाँबाट उडान तथा अवतरण गर्न लागेका सबै विमानहरुले आफ्नो सेवा स्थगित गरेपछि यात्रुहरु विचल्लीमा परेको बीबीसीले जनाएको छ ।

बीबीसीका अनुसार विश्वकै व्यस्तमा पर्ने उक्त विमानस्थलबाट दिनमा लगभग २ लाख ५० हजार यात्रुले यात्रा गर्छन् भने त्यहाँबाट दिनको २५ सय फ्लाइट हुन्छ ।



विद्युत आपूर्ति केही घन्टा पछि नै सुचारु गरिएपनि एक हजारभन्दा बढी फ्लाइट रद्द भएका कारण यात्रुहरुले झन्झट व्यहोर्नु परेको बताइएको छ । विमानस्थलले विज्ञप्ती जारी गर्दै त्यहाँ विद्युत आपूर्ति गर्ने जर्जिया पावरको प्रशारण लाइनको भूतिगत केन्द्रमा आगलागि भएकोले समस्या आएको बताएको छ ।

आगलागि के कारणले भएको हो भन्ने बारे अनुसन्धान सुरु भइसकेको एट्लान्टाका मेयरले बताएका छन् ।

लगभग १२ घन्टा विद्युत आपूर्ति बन्द भएपछि त्यहाँबाट यात्रा गर्ने यात्रुहरु अन्धकारमा बस्नु परेको भिडियो तथा फोटोहरु सामाजिक सञ्जालमा धेरै देखिएपछि विश्वभर यसबारे चासो बढेको हो।

प्रकाशित : पुस ३, २०७४ ११:४५
पूरा पढ्नुहोस्
प्रतिक्रिया
पठाउनुहोस्