कथाकार प्रेमा शाह रहिनन्

कान्तिपुर संवाददाता

काठमाडौँ — नेपाली साहित्यमा यौन मनोविज्ञान र विशेषत फ्राइडियन शिल्पी भित्र्याउने प्रखर कथाकार प्रेमा शाहको ७३ वर्षको उमेरमा अमेरिकाको साल्टलेकस्थित इन्टर माउन्टेन हस्पिटलमा बुधबार अपरान्ह शाहको निधन भएको छ ।

शाहका पहेँलो गुलाफ र विषयान्तर(कथा संग्रह), मम्मी (उपन्यास), आकाश विभाजित छ(संयुक्त लेखन) लगायतका कृति प्रकाशित छन् । ‘मैले नेपाली साहित्यमा पारिजातपछि सबैभन्दा अब्बल कथा लेखकका रुपमा प्रेमालाई लिएको छु,’वीरगन्ज मुल घर भएकी प्रेमाका समकालिन लेखक डा.ध्रुबचन्द्र गौतमले कान्तिपुरसँग भने,‘उनी मभन्दा दुई वर्ष कान्छी भएपनि वीरगन्ज र आसपासमा म भन्दा पहिला प्रेमाको साहित्यिक नाम छाएको थियो ।’ गौतमले प्रेमाका स्मरणीय रचना भनेर ‘लोग्ने’ र ‘पहेंलो गुलाफ’ कथा तथा ‘सूर्यसँग संभोग’ कविताको स्मरण गरे ।

Yamaha

प्रेमा नेपाली चलचित्र जगतकी नायिका जल शाहकी आमा हुन् । उनी झण्डै एक दशकयता छोरीका साथमा अमेरिका बस्दै आएकी थिइन् ।

संगीतज्ञ शर्मा रहेनन्
यसैबीच, शाश्त्रीय संगीत विधाका प्रखर हस्ती चन्द्रराज शर्माको ७५ बर्षको उमेरमा काठमाडौंमा निधन भएको छ ।

‘मुनामदन’, ‘कुन्जिनी’, ‘सत्य हरिश्चन्द्र’, ‘मुटुको व्यथा’, ‘गौरी’ जस्ता अमर कृतिमा संगीत भर्ने शर्मा केही वर्ष नेपाल प्रज्ञा प्रतिष्ठानमा संगीत शिक्षक पनि थिए । शर्माले तत्कालीन दरबारनिकट रहेर लामो समयसम्म संगीत प्रशिक्षक जिम्मेवारी निभाएका थिए । नृत्य नाटक, गीति नाटक दुवै विधामा एकैसाथ संगीत भर्न सफल मानिएका शर्माका ३ सय ७० भन्दा बढी संगीत सृजना छन् । चलचित्र ‘कुमारी’मा चन्द्रराजको संगीत रहेको छ ।

शाश्त्रीय संगीतका गुरु यज्ञराज शर्माका छोरा चन्द्रराजपछि उनका छोरा सुदीपराज पनि संगीत विधामै छन् । राजा महेन्द्रले चन्द्रराजको शाश्त्रीय संगीत कौशल तथा ज्ञानका आधारमा नेपाल कला भुषण प्रदान गरेका थिए । चन्द्रराजको बिहीबार बिहान शिक्षण अस्पतालमा निधन भएको थियो ।

प्रकाशित : पुस ६, २०७४ १४:२७
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT

दैनिक ६० पिन्ट रगत चाहिने विपि प्रतिष्ठानमा रगतको अभाव

प्रदीप मेन्याङ्बो

धरान — बीपी कोइराला स्वास्थ्य विज्ञान प्रतिष्ठान हाताभित्र सञ्चालित नेपाल रेडक्रस सोसाइटी सुनसरीको रक्तसञ्चार केन्द्रमा रगत अभाव हुँदा प्रतिष्ठानमा उपचारका लागि आएका बिरामीहरु समस्यामा परेका छन् । 

दैनिक ५० देखि ६० पिन्ट रगत खपत हुने प्रतिष्ठानमा रगत अभावसंगै केही दिनदेखि विरामीका आफन्तबाट नै सट्टा भर्ना गर्नुपर्ने भएपनि कतिपय अवस्थामा ग्रुप नमिल्दा समस्या आउने गरेको रक्तसञ्चार केन्द्रका कर्मचारी सानुबाबु थापाले बताए । केन्द्रमा ओ पोजेटिभ, एबी पोजेटिभ र बी पोजेटिव गु्रपका रगत शून्य रहेको छ । अन्य गु्रपका रगत समेत थोरै भएका कारण समस्या भएको रक्तसञ्चार केन्द्रले जनाएको छ ।

कतिपय जटिल शल्यक्रियामा विरामीको रगत समुह अनुसारको नै रगत अनिबार्य चाहिने भएपनि अभावकै कारण त्यस्ता बिरामीको शल्यक्रिया समय समेत सार्नु परेको प्रतिष्ठानका एक शल्य चिकित्सकले बताए । उनले तुरुन्त रगत उपलब्ध गराउनुपर्ने जटिल प्रकारका शल्यक्रिया प्रभावित भएपछि समयमै शल्यक्रिया गर्न नसकेको बताए ।

नेपाल रेडक्रस सोसाइटी सुनसरीका अध्यक्ष उमेश थापाले निर्वाचनका अवधिमा सबै मानिसहरु निर्वाचनमै केन्द्रित भएको र अत्याधिक बढेको चीसोका कारण रक्तदान कार्यक्रम हुन नस्क्दा प्रतिष्ठानमा रक्तसञ्चारमा रगत अभाव भएको बताए । उनले भने, ‘सट्टाभर्ना गरेर भएपनि विरामीलाई रगत उपलब्ध गराउने प्रयास भएको छ ।’ उनले विभिन्न संघ संस्थालाई रक्तदान कार्यक्रम गर्न पत्राचार गरेको बताए । पुष ८ गतेदेखि लगातार रक्तदान कार्यक्रम हुने भएकोले रगतको अभाव हट्ने बताए ।
यसैबीच प्रतिष्ठानमा उपचार गर्न आउने विरामी रगत कै अभावले मृत्यु हुनु नपरोस भनेर चिकित्शा शाास्त्रका विद्यार्थीहरुको समुह ‘विपिकेआइएचएस ब्लड डोनेसन कमिटि’ले जुनसुकै समयमा समुह मिल्ने बिरामीलाई रगत दिने बताएको छ । कमिटीका पूर्व अध्यक्ष विमल देओले प्रतिष्ठानमा उपचार गर्न आउने कुनै पनि विरामीले रगतको अभावमा मृत्युवरण गर्नु नपरोस् भनेर संस्था गठन गरेको बताए ।
उनले प्रतिष्ठानमा करिव १५ सय विद्यार्थी सवैको सम्पर्क नम्बर सहित रक्त समुह बनाएको र रेडक्रस वा कसैले रत्तदानकालागि अनुरोध गरेमा तत्काल सहयोग गर्ने बताए । उनले भने, ‘कहिले काही रगत अभाव हुन्छ । कतिपय बिरामीलाई रगत चाहिएपनि चाहेको रक्त समुहको रगत रक्तसंचार केन्द्रमा नहुँदा हामीले मासिक रुपमा कम्तिमा ७० पिन्ट रगत दान गर्ने गरेका छौं ।’

प्रकाशित : पुस ६, २०७४ १४:२४
पूरा पढ्नुहोस्
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT