चीनले माग्यो तातोपानी नाका सुरक्षा योजना

नेपाल–चीन सीमा बैठक
अनिश तिवारी

सिन्धुपाल्चोक — चिनियाँ अधिकारीले नेपालसँग ३२ महिनादेखि बन्द तातोपानी नाकाको संयुक्त सुरक्षा योजना माग गरेका छन् । दुवै मुलुकका सीमा अधिकारीबीच तिब्बतको खासामा शनिबार भएको बैठकमा चिनियाँ पक्षले सूचना आदानप्रदान र सुरक्षासम्बन्धी योजना मागेको हो ।


Yamaha

तातोपानी नाका खोल्ने विषय केन्द्रीय सरकारले निर्णय गर्ने जानकारी दिँदै उनीहरूले सीमा सुरक्षाको खाकामा जोड दिएको बैठकमा सहभागी एक नेपाली अधिकारीले बताए । बैठकमा सहभागी नेपाली टोलीका प्रमुख तथा सिन्धुपाल्चोकका प्रमुख जिल्ला अधिकारी आसमान तामाङका अनुसार चिनियाँ अधिकारीले ‘ज्वाइन्ट कमान्ड मेकानिजम एग्रिमेन्ट’ प्रस्ताव राखेका थिए । उनीहरूले तपाईंहरूको योजना के छ भनेर जानकारी लिन खोजेका थिए । प्रजिअ तामाङको टोलीले यस्तो खाका र संयुक्त सुरक्षा खाकाको स्वीकृति गृह मन्त्रालयबाट मात्र पाउन सकिने जनाउ दिएका थिए । ‘चिनियाँ अधिकारीले राखेको ज्वाइन्ट कमान्डको विषयलाई हामीले माथिल्लो तहमै कुरा गर्न भन्यौं,’ तामाङले भने, ‘सीमाको सुरक्षा र नाका सञ्चालनको विषयमा छलफल भएको थियो ।’ बर्सेनि २० अर्बभन्दा बढीको आयात तथा करिब पौने ३ अर्बको निर्यात हुँदै आएको यो नाका भूकम्पपछि पूर्ण रूपमा बन्द छ ।

नेपालले हरेक बैठकमा नाका खोल्ने प्रस्ताव राख्दै आएको छ भने चीनले सीमा सुरक्षा र अपराधको विषयमा जोड दिने गरेको छ । नाकाबाट आउजाउ पूर्ण रूपमा बन्द भए पनि सुरक्षाको विषय भने सधैं प्राथमिकतामा पर्दै आएको छ ।

छलफलमा चिनियाँ पक्षबाट पोलिटिकल कमिसार कर्णेल वाङ जिन ट्यांग ग्वीको नेतृत्वमा ८ जनाको टोली सहभागी थियो । नेपाली पक्षबाट प्रजिअ तामाङको नेतृत्वमा अध्यागमन, भन्सार, सीमा प्रहरीलगायत अधिकारी सहभागी १३ जनाले बैठकमा सहभागिता जनाएका थिए । भूकम्पपछि मात्र सीमा सुरक्षाका सन्दर्भमा ८ वटा बैठक भइसकेका छन् ।

नाका सञ्चालनका विषय हरेक बैठकमा उठ्ने गरेको छ । बैठकमा तातोपानी भन्सार प्रमुख कृष्ण बस्नेतले नाका बन्द हुँदा नेपाल–चीनबीच हुँदै आएको व्यापारमा प्रतिकूल असर परेको बताएका थिए ।

प्रकाशित : पुस ९, २०७४ ०७:२९
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT

हलो जोतेर हुर्केको हुँ : ओली

कान्तिपुर संवाददाता

काठमाडौँ — एमाले अध्यक्ष केपी ओलीले आफूले कुनै दम्भ लिएर काम नगर्ने बताएका छन् । सन्त नेता एवं कांग्रेसका संस्थापक कृष्णप्रसाद भट्टराईको ९४ औं जन्मोत्सवका अवसरमा शनिबार भट्टराई आश्रम बाँडेगाउँमा आयोजित कार्यक्रममा उनले चुनाव सकिएपछि राष्ट्र विकासका लागि सबैसँग सहकार्य गरेर अघि बढ्न चाहेको बताए ।

सन्तनेता, पूर्वप्रधानमन्त्री कृष्णप्रसाद भट्टराईको ९४ औं जन्मजयन्तीका अवसरमा शनिबार भट्टराई आश्रममा आयोजित कार्यक्रमका सहभागी ।

ओलीभन्दा अघि बोल्ने कांग्रेस नेता प्रदीप गिरीले चुनावी परिणामले ओली शासक बन्न खोजेको संकेत गरेपछि उनले त्यसको खण्डन गर्दै आफ्नो स्वभाव शासक नभएर राष्ट्रको सेवा गर्नेतर्फ केन्द्रित रहेको बताएका हुन् । ‘खेलको मैदानमा गइसकेपछि एउटाले जित्छ, अर्काले हार्छ । यो खेलको नियम नै हो । तर जब खेल सकिन्छ त्यसपछि पनि एउटैले जितेको जित्यै गर्नुपर्छ भन्ने कुरा ठीक होइन, म गाउँमा गाई–भैंसी चराएर, घाँस काटेर, हलो जोतेर हुर्केका ठिटो हुँ,’ ओलीले भने, ‘ममा शासकीय स्वाभाव छैन । सेवक हुने हो । यसको अर्थ भ्रष्टाचारीलाई छुट दिने, बेथिति, गैरकानुनी काम गर्ने र सुशासन काम नगर्ने भन्ने होइन । यिनमा कडाइ गर्ने राज्यको धर्म नै हो । तर वैचारिक रूपमा प्रतिपक्ष, सत्तापक्षसँग शासकको दम्भ देखाउने काम मबाट हुन्नँ । म त्यस किसिमको कुलघरानमा जन्मेको मान्छे पनि होइन ।’
ओलीले अब मुलुकलाई राजनीतिक स्थायित्वसहित दिगो आर्थिक विकासमा अघि बढाउनुपर्ने आवश्यता औंल्याउँदै त्यसका लागि सबै गम्भीर हुनुपर्ने परिस्थिति आएको बताए ।

प्रकाशित : पुस ९, २०७४ ०७:२८
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT