चिसोले जनजीवन प्रभावित

कमल पन्थी

गुलरिया — चिसो बढेपछि बर्दियाको जनजीवन प्रभावित भएको छ । शनिबार बिहानैदेखि लागेको बाक्लो हुस्सु सँगै चिसो हावाले वृद्ध र बालबालिका बढी प्रभावित बनेका छन् ।

चिसोका कारण अस्थायी शिविरमा बस्दै आएका गुलरिया-५, रामपुरटप्पुका बाढीपीडित जाडोले रातभर कठ्यांग्रिएर बस्न बाध्य छन् । ०७१ साल साउन अन्तिम साता आएको बाढीले घर जग्गा बगाएका रामपुर टप्पुका ४१ परिवार अस्थायी शिविरमा बस्दै आएका छन् । अत्यधिक चिसोले निमोनिया, रुघाखोकीका बिरामी बढेको चिकित्सकले बताएका छन् ।

Yamaha


जिल्ला अस्पतालका मेडिकल सुपरिन्टेन डाक्टर सुभाष पाण्डेयले चिसोका कारण दैनिक झण्डै १ सय ५० बिरामी उपचारार्थ आउने गरेको बताए । तीमध्ये अधिकांश रुघाखोकी, दम, निमोनियाका भएको डाक्टर पाण्डेयले जनाए ।

विगतमा नगरपालिकाले चिसोबाट बच्न सार्वजनिक स्थलमा दाउरा उपलब्ध गराउँदै आएकोमा यसपाला वितरण गरेको छैन । चिसोका कारण ग्रामीण क्षेत्रका विद्यालयमा बालबालिकाको उपस्थिति पातलिँदै गएको छ । गुलरियाको न्यूनतम तापक्रम आइतबार ७ डिग्री छ ।

हिस्सुले बिहान सवारीसाधन लाईट बालेर गुड्ने गरेका छन् । राति सवारी साधन हुस्सुले नजिकै हेर्न नसक्ने अवस्था रहेको स्थानीय सवारी चालक बताउँछन् । अरु बेला १ घण्टामा गन्तव्यमा पुग्ने सवारी साधन हुस्सु लागेको समय दुई घण्टा बढी लाग्ने गरेको छ । हुस्सु लागेको समय बत्ती बालेर सवारी साधन गुडाउन ट्राफिक प्रहरीले सर्वसाधरणलाई आग्रह गरेको छ । जाडो बढेका कारण न्यानो कपडा खरिद गर्नेको ग्राहक बढेको व्यवसायी बताउँछन् ।

Esewa Pasal

प्रकाशित : पुस ९, २०७४ १७:०५
प्रतिक्रिया
पठाउनुहोस्
ADVERTISEMENT
ADVERTISEMENT

छ महिनामा विनियोजित बजेटको २७ प्रतिशत मात्र खर्च

काठमाडौँ — सरकारले चालू आर्थिक वर्षको छ महिनामा रु तीन खर्ब ४० अर्ब १९ करोड गरेको छ । यो कूल बजेटको २७ प्रतिशत मात्रै हो । 

चालू आवको मंसिर महिनासम्मको खर्च प्रवृत्ति सुधारोन्मुख रहेको र कूल विनियोजित बजेट रु १२ खर्ब ७८ अर्ब ९९ करोड ४८ लाख ५५ हजारमा २६.६ प्रतिशत खर्च भएको अर्थ मन्त्रालयले जनाएको छ । अर्थ मन्त्रालयका प्रवक्ता अर्जुनप्रसाद पोखरेलका अनुसार चालू खर्च रु दुई खर्ब ९२ अर्ब ७८ करोड अर्थात् ३६.४४ प्रतिशत खर्च भएको छ । यसैगरी पूँजीगततर्फ रु ३१ अर्ब ९९ करोड अर्थात् ९.५५ प्रतिशत खर्च भएको छ ।

वित्तीय व्यवस्थातर्फ रु १५ अर्ब ४१ करोड अर्थात् १०.९९ प्रतिशत खर्च भएको छ । सरकारले पूँजीगत खर्च बढाउन सम्बन्धित मन्त्रालयमार्फत आयोजना तथा कार्यालयहरुलाई निर्देशन दिइएको जनाएको छ ।

चालू आवको मंसिर महिनासम्ममा रु दुई खर्ब ५१ अर्ब १२ करोड ७४ लाख ९७ हजार राजश्व संकलनको लक्ष्य राखिएकामा ९५.५६ प्रतिशत असुली हुनसकेको छ । यो गत आवको यसै अवधिको तुलनामा ११४.९७ ले वृद्धि हो ।

प्रकाशित : पुस ९, २०७४ १६:१२
पूरा पढ्नुहोस्
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT