यातायात कार्यालय सुकेधाराका दुई कर्मचारी घूससहित पक्राउ

अख्तियार दुरुपयोग अनुसन्धान आयोगको कार्यालय, टंगाल, काठमाडौंको टोलीले नायव सुव्बा पौडेल र खरिदार पोख्रेललाई घूसबापत लिएको ३२ हजारसहित पक्राउ गरेको जनाएको छ । उनीहरुसँगै लेखापढी व्यवसायी अशोक कार्की पनि समातिएका छन् ।

आयोगका अनुसार साउदी अरेवियन सवारी चालक अनुमति-पत्रको आधारमा नेपाली सवारी चालक अनुमति-पत्र बनाई दिने (नेपालीकरण गर्ने) भन्दै सेवाग्राहीसँग लेखापढी व्यवसायी कार्कीमार्फत घूस रकमबापत उनीहरुले ३२ हजार लिएका थिए ।

पक्राउ परेका तीनै जनामाथि अनुसन्धान भइरहेको अख्तियारले बताएको छ ।