‘कमजोर सरकार अब बन्ने छैन’ 

विमल खतिवडा

चितवन — माओवादी केन्द्रका अध्यक्ष पुष्पकमल दाहालले अब बन्ने सरकार हिजोको जस्तो कमजोर नबन्ने बताएका छन् ।

चितवन उद्योग संघले आइतबार साँझ भरतपुरमा प्रतिनिधि र प्रदेशसभा सदस्यमा विजयी भएकाहरुलाई आयोजित सम्मान कार्यक्रममा अध्यक्ष दाहालले सरकारले भनेर पनि गर्न नपाइने र नसकिने हिजोको स्थिति अब नरहने बताए।

Yamaha

ऐनका व्यवस्थाहरुलाई सुधार गर्न सकिए र आयत-निर्यातसँग सम्बन्धित राष्ट्रको हितविपरीत कानुनहरुलाई संशोधन गर्न सकिए पाँच वर्ष भित्रमा मुलुकमा केही न केही आर्थिक क्रान्ति हुने दाहालको दाबी छ। ‘निजी क्षेत्रका व्यवसायीसँग धेरै नै अन्तरक्रियाको आवश्यकता देखेको छु, उहाँहरुले दिने सुझावलाई अब बन्ने सरकारले गम्भीरतापूर्वक लिने छ ,’ उनले भने,‘ हिजोका सरकार जस्तो कमजोर सरकार अब रहने छैन, अबको सरकारले भनेपछि त्यो लागू हुने छ।’

शान्ति, सुशासन र समृद्धि विकासको मोडल भएको उल्लेख गर्दै उनले भने,‘हामीले ठूला/ठूला महत्कांक्षासहित जनतालाई केही कुराको इच्छा जगाएका छौं, चाहे सुरुङमार्ग, चाहे रेलमार्ग या ठूला/ठूला तटबन्धको कुरा नै किन नहोस्, त्यही भएर आगामी दिनमा सबै मिलेर देशको आर्थिक क्षेत्रमा नयाँ अभियान छेड्न आवश्यक छ।’

नेपाल उद्योग परिसंघका अध्यक्ष हरिभक्त शर्मा र नेपाल उद्योग वाणिज्य महासंघका केन्द्रीय अध्यक्ष भवानी राणाको मुखबाट माओवादीले लिडरसीप कसरी विकास गर्न चाहन्छ भन्ने कुरा राष्ट्रिय र अन्तर्राष्ट्रिय रुपमा भनेको सुन्दा खुसी लागेको उनले बताए।

केही दिनयता दाहाल गृह जिल्लामा छन्। क्षेत्र नम्बर ३ बाट प्रतिनिधिसभा सदस्यमा विजयी भएपछि दाहाल अहिले जनताको घरदैलोमा पुगेर धन्यवाद दिन व्यस्त छन्।

प्रकाशित : पुस ९, २०७४ १९:५४
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT

साउदी राजकुमार तलालसँग ६ अर्ब डलर माग

एजेन्सी

साउदी अरेबिया — भ्रष्टाचारको आरोपमा सरकारी नियन्त्रणमा रहेका साउदी राजकुमार अल वाले बिन तलालसँग साउदी अधिकारीले कम्तिमा ६ अर्ब डलर धरौटी बुझाउन माग गरेका छन् ।

साउदीमा कसैसँग माग गरिएको सबैभन्दा ठूलो धरौटी हो । विश्वकै धनाढ्य सूचीमा रहेका तलालसँग कूल १८ बिलियन डलर पूँजी रहेको अनुमान छ । ६२ वर्षीय उनी विश्वको ५७ औं धनीमा पर्छन् ।

अघिल्लो महिना साउदी सरकारले भ्रष्टाचार आरोपमा केही राजकुमार, उच्च पदस्थ सरकारी कर्मचारी, व्यापारीलाई नियन्त्रणमा लिएर रियादस्थित एक पाँचतारे होटलमा बन्दी बनाएको थियो ।

साउदी स्रोतहरुलाई उद्धृत गर्दै वाल स्ट्रिट जर्नलले जनाएअनुसार तलाल रिहाईको लागि पहल गरिरहेका छन् ।

साउदी सरकारले भ्रष्टाचार आरोपमा ३ सय २० जनालाई सोधपुछको लागि बोलाएको थियो । तीमध्ये एकसय ५९ अहिले पनि हिरासतमै छन् । साउदी महान्यायाधिवक्ता सेख साउद अल मोजेबका अनुसार धेरैले गलत तरिकाबाट कमाएको सम्पति सरकारी कोषमा दाखिला गरेर रिहा भएका छन् ।

साउदी सरकारले केही वर्षयता अपचलनका कारण साउदी सरकारलाई एकसय अर्ब डलर भन्दा बढी घाटा भएको जनाएको छ ।

अघिल्लो वर्ष एक अर्ब डलर धरौटी बुझाएर अर्का राजकुमार मितेब बिन अब्दुल्लाह रिहा भएका थिए ।

तलाल ७ वर्षअघि नेपाल भ्रमणमा आएका थिए ।

प्रकाशित : पुस ९, २०७४ १९:३८
पूरा पढ्नुहोस्
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT
ADVERTISEMENT