काठमाडौँ — मंगलबार बिहान काठमाडौं महानगरपालिकाकी उपमेयर हरिप्रभा खड्गीले रानीपोखरीको गेटमा लगाएकी ताला दिउँसो मेयर विद्यासुन्दर शाक्यले तोडेका छन् । बिहान रानीपोखरी अवलोकनको क्रममा रानीपोखरी पुगेकी उपमेयर हरिप्रभाले खड्गीले 'पुरातत्वको स्वीकृति विना बनेको रहेछ' भन्दै रड बाँधेर हिँडेकी थिइन् ।
'पुरातत्विक महत्वको सम्पदामा हानी पुगेको हामीलाई थाहा थिएन मेयरसँग म कुरा गर्छु अहिलेलाई काम रोकौं,' उनले सञ्चारकर्मीसँग भनिन् ।
बिहान लगाइएको रड अहिले दिउँसो शाक्यले खोलेका थिए । मेयर रानीपोखरी भित्रै छन् । उनी रड खोलेर भित्र पसेका थिए । शाक्यले रड तोडेपछि व्यक्तिगत र दलगत लान्छाना लगाएर मात्रै नहुने बताए । उनले भने, 'म आउन भन्दा पहिला नै सम्झौता भएको थियो। काम अघि बढ्छ । भएको के हो थप अनुसन्धान गर्छु ।'