जिप दुर्घटनामा एकको मृत्यु, तीनको अवस्था गम्भीर

गाईघाट, उदयपुर — उदयपुर रौतामाई गाउँपालिका–४ स्थित जितेनीको पाखामा मंगलबार अपराह्न बलेरो जिप दुर्घटना हुँदा एक जनाको घटनास्थलमै मृत्यु भएको छ भने अन्य तीन जनाको अवस्था गम्भीर रहेको छ । मृत्यु हुनेमा त्रियुगा नगरपालिका–१० बोक्सेका ४५ वर्षीय कमलबहादुर मगर रहेको जिल्ला प्रहरी कार्यालय उदयपुरले जनाएको छ । 

Yamaha

यसैगरी दुर्घटनामा परी घाइतेहुनेमा रौतामाई–४ का गाडी चालक ३५ वर्षीय रत्न राई, सोही स्थानका ४६ वर्षीय भक्तबहादुर सार्की र ४० वर्षीया निर्मला राई रहेको उदयपुरका प्रहरी प्रमुख नवराज भट्टले बताए । घाइतेहरुको उद्धार कार्य जारी रहेको पनि उनले बताए ।

रौतामाई गाउँपालिकाको सल्ले बजारबाट सुन्तला बोकेर आउँदै गरेको स१च १२२८ नंको उक्त बलेरो जिप जितेनी पाखाको भिरमा अनियन्त्रित भई सडकबाट तीनसय मिटर तल खसेर दुर्घटना भएको प्रहरीले जनाएको छ ।

प्रकाशित : पुस ११, २०७४ १८:३६
ADVERTISEMENT
प्रतिक्रिया
पठाउनुहोस्

इन्दिरा गोले एकल सांगीतिक साँझ हुँदै

कान्तिपुर संवाददाता

काठमाडौँ — आगामी फागुन २६ गते लोकगायिका इन्दिरा गोले एकल सांगीतिक साँझ हुने भएको छ । 


काठमाडौंमा मंगलबार पत्रकार सम्मेलन गरी हिमालयन इन्टरटेन्टमेन्ट ग्रुपले इन्दिरा गोलेको सम्मानार्थ एकल साँझ गर्न लागेको जानकारी दिएको हो। ग्रुपका अध्यक्ष सुवास पाख्रिन लामाका अनुसार सांगीतिक साँझमा गोलेले गाइसकेकी गीतहरुमध्ये चर्चित डेढ दर्जनभन्दा बढी गीतको प्रस्तुति हुनेछन्।

२०४५ सालदेखि विविध भाषा र भाकामा गीत गाउँदै आएकी गोलेले हजारौं गीत गाइसकेकी छन्। उनको स्वरमा सजिएका गीतहरु चाँगुनारायण थान..., जाइफूलको बासना..., घर त छाउनीमा....., सफा ट्याम्पुरीलगायत गीतहरु सदबहार चर्चित छन्।

प्रकाशित : पुस ११, २०७४ १८:३१
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT