१६.१२°C काठमाडौं
काठमाडौंमा वायुको गुणस्तर: १५२

प्रदेश अधिवेशनका लागि मनोनयनको समय थप

काठमाडौँ — नेपाल पत्रकार महासंघले प्रदेश अधिवेशनका लागि आइतबार साँझ ५ बजेसम्म उम्मेदवार मनोनयनका समयावधि थप गरेको छ ।

प्रदेश अधिवेशनका लागि मनोनयनको समय थप

यही वैशाख २२ गते हुने महासंघको प्रदेश निर्वाचनका लागि शुक्रबार मनोनयन दर्ता गर्ने समय निर्धारण गरेकोमा प्राविधिक कारण देखाउँदै आइतबारसम्मका लागि समय थप गरेको केन्द्रीय निर्वाचन समितिका सदस्य वालकृष्ण बस्नेतले जानकारी दिए ।


उम्मेदवारप्रति दाबी विरोध तथा उम्मेदवारी फिर्ता लिने समय शनिबारका लागि निर्धारण गरिएकामा उक्त कार्य सोमबारका लागि निर्धारण गरिएको निर्वाचन समितिले जनाएको छ । अध्यक्षको नेतृत्वमा गठन हुने प्रदेश समितिमा उपाध्यक्ष, महिला उपाध्यक्ष, महासचिव, सचिव र कोषाध्यक्ष गरी २१ सदस्यीय कार्यसमिति रहने छ ।


प्रेस चौतारी नेपाल, नेपाल प्रेस युनियन र प्रेस सेन्टर नेपालले समझदारी कायम गरी निर्वाचनमा भाग लिन लागेको भन्दै त्यसको विरोध स्वरुप क्रान्तिकारी पत्रकार संगठन, क्रान्तिकारी पत्रकार महासंघ, मिडिया नेपाल, प्रेस सोसाइटी नेपाल, प्रगतिशिल पत्रकार संघ नेपाल, संघीय प्रेस फोरम र मधेसी पत्रकार समाजले महासंघका कार्यालयहरुमा आज तालाबन्दी गरेको छ ।


तालाबन्दी भए पनि पूर्वनिर्धारित कार्यक्रमअनुसार सबै ठाउँमा उत्साहजनक रुपमा मनोनयन भइरहेको महासंघले जनाएको छ ।

प्रकाशित : वैशाख ७, २०७५ १६:३२
प्रतिक्रिया
पठाउनुहोस्
जनताको राय

बैंकमा लगानीयोग्य रकम थुप्रिएर साढे ६ खर्ब नाघेको छ। बैंकहरूले ब्याजदर घटाउँदासमेत कर्जा प्रवाह बढ्न नसक्नुको कारण के हो?