धनकुटामा योग शिविर
धनकुटा — ‘सबैका लागि योग, सधैँका लागि योग’ भन्ने नाराका साथ अन्तर्राष्ट्रिय योग दिवस बिहीबार विशेष कार्यक्रम गरी मनाईएको छ ।
दिवसका अवसरमा ब्रम्हाकुमारी राजयोग सेवा केन्द्रले बृहत योग शिविर तथा प्रवचन कार्यक्रम आयोजना गरेको छ ।
शिविरमा प्रतिनिधिसभा सदस्य सांसद राजेन्द्र राई लगायत जिल्लास्थित विभिन्न संघसंस्थाका पदाधिकारी लगायतको उल्लेख्य सहभागिता थियो । सो अवसरमा सहभागीहरुलाई योगको महत्व तथा आध्यात्मिक प्रवचन समेत दिएका थिए ।
यस्तै, केन्द्रले शुक्रबार जिल्ला कारागारका कैदीका लागि समेत योग शिविर आयोजना गर्ने जनाएको छ । यस्तै आयुर्वेद औषधालय धनकुटाले पनि प्रत्येक बिहान नियमित रुपमा योग साधना प्रशिक्षण दिँदै आएको जनाएको छ ।
प्रकाशित : असार ७, २०७५ १७:१६