ब्राउन सुगरसहित सेनाका मेजर पक्राउ

उनीसँगै बाँके राप्तीसोनारी–९ का रेम पौडेल पनि पक्राउ परेका छन् ।

उनीहरुको साथबाट ५४ ग्राम ब्राउन सुगर बरामद भएको जिल्ला प्रहरी कार्यालय बाँकेका डीएसपी राजेन्द्र आर्यालले बताए ।

मेजर शाही ब्राउन सुगर खरिद गर्न ढकेरी गएको गोप्य सूचनाको आधारमा जिल्ला प्रहरी कार्यालय बाँके र ईलाका प्रहरी कार्यालय कोहलपुरको विशेष टोलीले शनिबार साँझ ढकेरीस्थित एक कटेजमा छापा मारी पक्राउ गरेको हो ।

पक्राउ परेका पौडेल लागूऔषधको ठूलो कारोबारी रहेको प्रहरीको दाबी छ ।

उनीहरुलाई अनुसन्धानका लागि जिल्ला प्रहरी कार्यालयमा राखिएको छ । उनीहरु विरुद्ध लागू औषध कारोबारको मुद्दा दायर गरी आइतबार अदालतबाट म्याद थप गराइएको छ ।