राष्ट्रिय सभामा नेकपाका मुख्य सचेतक भट्टराई
काठमाडौँ — राष्ट्रिय सभामा नेपाल कम्युनिस्ट पार्टी (नेकपा)को मुख्य सचेतकमा खिमलाल भट्टराई मनोनीत भएका छन् ।
प्रधानमन्त्रीसमेत रहेका नेकपा संसदीय दलका नेता केपी शर्मा ओलीले भट्टराईलाई मुख्य सचेतक मनोनयन गरेका हुन् । अनेरास्ववियुका पूर्वअध्यक्ष भट्टराई गएको चुनावमा राष्ट्रिय सभा सदस्य निर्वाचित भएका थिए ।
ओलीले यसअघि नै राष्ट्रिय सभा संसदीय दलको नेतामा दीनानाथ शर्मालाई मनोनयन गरेका थिए ।
प्रकाशित : असार ३२, २०७५ १७:२९प्रतिक्रिया