१३ तस्बिरमा हेर्नुहोस्, शितल निवासमा टीका थाप्नेको भीड

राष्ट्रपति भण्डारीको हातबाट टीका थाप्न उपराष्ट्रपति नन्दबहादुर पुन, प्रधानमन्त्री केपी ओली, सभामुख कृष्णबहादुर महरा, मन्त्री, राज्यमन्त्री, सांसद्सहितका उच्च पदस्थ व्यक्तित्व, सर्वसाधारण, अपांगता भएका व्यक्ति र अनाथ बालबालिकाहरुसमेत राष्ट्रपति कार्यालयमा पुगेका छन् । टीका थाप्नेको घुँइचो भएपछि शितल निवासमा सर्वसाधारणलाई भने लाइनमा बसाइएको छ ।

राष्ट्रपति भण्डारीले भने बिहान नौ बजेर ५१ मिनेटको शुभसाइतमा वैदिक विधिपूर्वक श्री नवदुर्गा भवानीको टीका ग्रहण गरिन् । राष्ट्रपतिले हनुमानढोका दरबारका मूल पुजारी देवराज अर्याल र राष्ट्रपति कार्यालयका पुरोहित हेमचन्द्र ढकालबाट टीका–प्रसाद, तिलक, जमरा र रक्षासूत्र ग्रहण गरेकी हुन्। राष्ट्रपतिले आफ्ना पूजनीय माता मिथिला पाण्डेबाट टीका–जमरा र दक्षिणा ग्रहण गरिन्। साथै उनले काका डेकेन्द्र पाण्डेबाट पनि नवदुर्गा भवानीको प्रसादस्वरुप टीका–जमरा ग्रहण गरिन्।