डा. केसीको पक्षमा उर्लियो सोसल मिडिया
काठमाडौँ — डा.गोविन्द केसीले सोमबार प्रधानन्यायाधीशको राजीनामा माग गरेर अनसन सुरु गरेसँगै नेपाली सोसल मिडिया जगत तात्तिएको थियो । डा. केसीले प्रधानन्यायाधीश गोपाल पराजुलीले माफियासँग मिलेर फैसला गरेको आरोप लगाएका थिए
लगत्तै सोसल मिडियामा प्रधानन्यायाधीश पराजुलीको विवादित विगतका बारेमा टिकाटिप्पणी सुरु हुन थालेको थियो । सञ्चारमाध्यममा आएको केसीको अभिव्यक्तिलाई आधार मानेर सोमबार साढे ४ बजे नै अदालतले उनीमाथि मानहानीको आरोप लगाउँदै पक्राउ गरी मंगलबार ९ बजे सर्वोच्चमा हाजिर गराउन प्रहरीलाई निर्देशन दिएको थियो ।
सर्वोच्चको यो आदेशले डा. केसी समर्थक र तटस्थ व्यक्तिहरुलाई समेत आक्रोशित बनाएको देखियो । प्रहरीले उनलाई सोमबार साँझ महाराजगञ्जस्थित शिक्षण अस्पताल परिसरको अनसनस्थलबाटै पक्राउ गरेपछि सोसल मिडियामा झन् बढी आक्रोश देखियो ।
यसमा पूर्व प्रधानमन्त्री बाबुराम भट्टराईदेखि पूर्व स्वास्थ्यमन्त्री गगन थापासम्म देखिए । ट्वीटर प्रयोगकर्ताहरुकै आह्वानमा मंगलबार बिहान ८ बजे माइतीघर मण्डलामा उनको समर्थनमा जुलुस निकालिएको थियो ।
डा. केसीको पक्राउको विरोधमा कसले के भने ? केही प्रतिनिधि भनाई :
सबै नेपालीका लागि सुलभ स्वास्थ्य सेवा उपलब्ध गराउन संघर्षरत डा. गोविन्द केसीको गिरफ्तारीको कडा शब्दमा निन्दा गर्दै उहाँलाई तुरन्त रिहा गर्न सरकारसँग माग गर्छु । हाम्रो लोकतन्त्रले अन्यायको अहिंसात्मक विरोधलाई न्यायसम्पादनमा अवरोध मानेर दण्डित गर्ने अधिकार दिएको छैन ।
— Gagan Thapa (@thapagk) January 8, 2018
डा. गोविन्द केसी सुन हुन्, 'पोलिँदा र पिटिँदा अझ चम्किला हुन्छन्। तिमी छुसीहरू कोइला हौ जति चम्किन्छौ त्यति चाँडै सकिन्छौ!
— केदार शर्मा (@kedarsh) January 8, 2018
खुंखार अपराधि डा गोबिन्द केसी लाई जिउंदै समात्न सफल कर्तब्यपरायण प्रहरी हरुलाई नमन । #IamWithDrKC pic.twitter.com/KFJuO9HfA8
— Sudhamshu K.C. (@Drsudhamshu) January 8, 2018
नितिमाथि जब नियत हावी हुन्छ , तब यस्तो हुन्छ !
— Bishwa Prakash शर्मा (@bishwaprakash77) January 9, 2018
विधिभन्दा ब्यक्ति बलशाली जब हुन्छ,तब यस्तो हुन्छ !!
गोपाल श्रीमान् ! एउटा सन्त फकिरले न्यायालयको मर्यादा जोगाउं भन्यो त के आतंकवादी अपराधनै गर्यो ? pic.twitter.com/AicXh0i3QZ
मेडिकल शिक्षामा सुधार र स्वास्थ्य सेवामा सबैनेपालीको पहुँचको माग राखी संघर्षरत डा. केसी पक्राउ परेको खबरले दु:खीछु।डा.केसीको शीघ्र रिहाइकालागि सम्बन्धित पक्षसँग आग्रह गर्दछु।चिकित्सा शिक्षाक्षेत्रको सुधारकालागि डा.केसीको अभियानमा सदाझैं मेरो र नयाँशक्तिको ऐक्यबद्धता छ.(फाइल फोटो) pic.twitter.com/Ez9PaXPnkD
— Baburam Bhattarai (@brb1954) January 8, 2018
भ्रष्टलाई भ्रष्ट हौ भन्न नसक्ने देशमा भ्रष्टले निष्ठा र सदाचार माथि अत्याचार गरिरहनेछ । डा. केसी को अभियानमा साथ दिअौ, भ्रष्टलाई समाप्त गरौं ।
— Prateek Pradhan (@prateekpradhan) January 9, 2018
सर्वोच्चले बालकृष्ण ढुङ्गेल समाऊ भन्दा महिनौं मुक दर्शक रहेको हाम्रो प्रहरी अहिले सर्वोच्चले भन्ने बित्तिक्कै डा केसी लाई च्याप्प समाई हाले छ।गज्जव!
— Badrinath Jha (@jhabadrinath) January 8, 2018
घोर कलियुग!
ए धुर्मुस भान्जा सुरक्षित बस है , डा केसी लाइ त पक्रेछन , तिमी लाइ नि बेर लाउदैनन...
— Pramod Kharel (@kharel777) January 9, 2018
अाफ्नै बाेसकाे इसारमा डा.केसीविरूध्द मुद्दा हाल्ने सर्वाेच्चकाे कर्मचारी,केसीलाई पक्रने फैसला गर्ने सर्वाेच्चकै न्यायाधीश,झटपट प्रक्रने छापामार प्रहरी,केही चाल नपाउने लठ्ठक प्रधानमन्त्री;सर्वाेच्चद्वारा भ्रष्ट र चाेरहरूलाई चाैतारी,सत्याग्रही सन्तलाई शूली!हैट्,याे अन्धेर नगरी!
— Khagendra Sangroula (@belakoboli) January 9, 2018
एनसेलको लाभकर,चुमशलाई थुना मुक्त,गोपाल खड्का/आयल निगम, क्यासिनो/होटल/जुवाघर,आईजीपि सहित दर्जनौ काण्ड हुदै डा.शशि शर्मा सम्म आईपुग्दा न्यायलयको गरीमा रसातलमा पुगैकै थियो।डा.गोविन्द केसीमाथि हात हालेर न्यायलयले आफ्नो विरूद्द दुईटा ध्रुव सिर्जना गर्यो।
— Rk Jhakri (@Jhakri_didi) January 9, 2018
No:Gray line#imwithdrkc
डा केसीलाइ गिरफ्तार गरिएको विरोधमा भोलि उहाँलाई सर्वोच्च अदालतमा पेश गर्नु अघि बिहान ८ बजे माइतीघर मन्डलामा विशाल प्रदर्शन आयोजना गरिएको छ। उपस्थितिको लागि सबैमा अनुरोध छ।
— Indra Dhoj Kshetri (@indradhoj) January 8, 2018
आफु पनि आउनुस्, अरुलाई पनि ल्याउनुस् र शेयर पनि गर्नुस्। #IamwithDrKC
जिउँदो समाजमा अन्यायको सम्पादनमा अवरोध गर्ने साहसीहरू हुन्छन् । त्यसो गर्दा ती तपाईंलाई अमर्यादित, अशिष्ट र दुस्साहसी लाग्छन् भने त्यो तिनको होइन तपाईंको समस्या हो, श्रीमान् । #IamWithDrKC pic.twitter.com/dfV58g72kq
— Jugal Bhurtel (@JugalBhurtel) January 8, 2018
कारबाहीको डर देखाएर बुद्धिजीबी र नागरिक समाजको मुख थुन्न खोज्ने गवॉर र सामन्ती मानसिकता भएका मानिस अझै उच्च आसनमा रहेछन् ! सम्मान मॉगेर पाइदैन । सम्मान चाहने मानिसको आचरण, ब्यवहार ,चरित्र र विचार पनि तदनुरूप हुनु पर्दछ ।# डॉ. गोबिन्द केसीको गिरफ़्तारी
— harihar birahi (@BirahiHarihar) January 9, 2018
प्रकाशित : पुस २५, २०७४ २०:२५पहिले-पहिले अदालतको मानहानी मुद्वामा कसैलाई पनि रातारात पक्राउ गरेको कहिल्यै सुनेको थिइन। डा. गोबिन्द केसिको अभिव्यक्तिबाट अदालतको कस्तो मानहानी हुन पुगेछ श्रीमान? सरकारलाई थाहै नदिइकन उहाँलाई रातारात पक्राउ गर्नुपर्ने। जनता जान्न चाहन्छ।
— Dhan Raj Gurung (@dhanrgrg) January 9, 2018