शितलहर प्रभावित जिल्लामा राहत दिन राजपाको माग
काठमाडौँ — राष्ट्रिय जनता पार्टीले शितलहर प्रभावित जिल्लामा राहत वितरण गर्न र जाडोका कारण मृत्यु भएकाहरुका परिवारलाई उचित क्षतिपूर्तिको प्रबन्ध गर्न सरकारसँग माग गरेको छ ।
राजपाको मंगलबार बसेको बैठकपछि जारी गरिएको विज्ञप्तीमा भनिएको छ,‘शितलहर प्रभावित जिल्लामा न्यानो कपडा, कम्बल र दाउराको उचित प्रबन्ध गर्न माग गर्दछौं ।’
साथै, राजपाले कैलाली घटना र मधेस आन्दोलनको क्रममा भएको क्षतिको छानबिन गर्न बनेको उच्चस्तरीय छानबिन समितिको प्रतिवेदन पेश गर्न गर्न पनि सरकारसमक्ष माग गरेको छ ।
छानबिन आयोगले सरकारलाई प्रतिवेदन बुझाएको महिनौं बितिसक्दा पनि सार्वजनिक नहुँदा आफूहरु सशंकित बनेको विज्ञप्तीमा उल्लेख छ ।