प्रधानन्यायाधीशले भने, 'सडकमा प्रमाणपत्र देखाउँदै हिँड्न आवश्यक छैन'

रुकुम — प्रधानन्यायाधीश गोपाल पराजुलीले आफ्नो नागरिकता र शैक्षिक योग्यताको प्रमाणपत्रका बारेमा उठेका प्रश्नको संसदीय समितिमा जवाफ दिइसकेको बताएका छन् । 

रुकुम पूर्वको जिल्ला अदालत शुक्रबार उद्घाटन गर्दै उनले अहिले सडकमा कोही कराउँदैमा केही नहुने बताए। आफू सक्षम भएर न्याय क्षेत्रमा प्रवेश गरेको र प्रधानन्यायाधीश बनेको उनको भनाइ छ। 'मैले पेस गर्ने ठाउँमा प्रमाण पेस गरिसकेको छु, अब सडकमा प्रमाण देखाउँदै हिँड्न आवश्यक छैन', उनले भने। विभिन्न वहानामा न्यायालयप्रतिको विश्वास कम गराउन केही शक्ति लागेकाले त्यो सम्भव नहुने उनको धारणा छ।

Yamaha

न्यायकर्मी जनताको भावना, न्यायको मूल्यमान्यता, पद्धति र प्रणालीबाट चल्ने गरेको बताउँदै उनले जिल्ला अदालत पनि सोही प्रणालीबाट चलिरहेको र अबका दिनमा पनि त्यसरी नै सञ्चालन हुन निर्देशन दिए।

Esewa Pasal

प्रकाशित : पुस २८, २०७४ १८:४९
प्रतिक्रिया
पठाउनुहोस्

व्यवसायीबाटै ट्याक्सी तोडफोड

कान्तिपुर संवाददाता

स्याङ्जा — ट्याक्सी चलाएको भन्दै ट्याक्सी समितिका कर्मचारीले नै तोडफोड गरेका छन् ।सदरमुकाम पुतलीबजार नगरपालिका-१ स्थित स्याङ्जा बजारमा बिहान करिब सवा नौ बजे व्यवसायीबाटै ट्याक्सी तोडफोड भएको जिल्ला प्रहरी कार्यालयले जनाएको छ ।

प्रहरीका अनुसार पुतलीबजार ३ बस्ने दीपक कुमाललगायतका व्यक्तिले स्याङ्जाबाट नागडाँडातर्फ जाँदै गरेको ग १ ज ५३२ र रोकी राखेको ग १ ज ४३५६ नम्बरको टयाक्सी तोडफोड गरेका हुन् ।

ट्याक्सी फुटाउनेमध्येका कुमाललाई भने प्रहरीले नियन्त्रणमा लिएको छ । अन्य फरार व्यक्तिको खोजी जारी रहेको प्रहरीले बतायो ।

मिटरमा चल्न नमानेपछि पोखराका ट्याक्सी व्यवसायी समिति तीन दिनदेखि विवादमा उत्रिएसँगै स्याङ्जामा पनि बिहीबार र शुक्रबार चलाउन दिइएन ।

प्रकाशित : पुस २८, २०७४ १८:२९
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT