११ कक्षाको नतिजा सार्वजनिक गर्ने तयारी

मकर श्रेष्ठ

काठमाडौँ — राष्ट्रिय परीक्षा बोर्डले शनिबार कक्षा ११ को नतिजा सार्वजनिक गर्ने तयारी गरेको छ । गत असारमा लिएको परीक्षाको नतिजा सार्वजनिक गर्न लागेको हो । ‘आज सार्वजनिक गर्ने तयारीमा छौं,’ बोर्ड स्रोतले भन्यो, ‘बैठक समेत बोलाइसकेका छौं ।’ नतिजा विषयत ग्रेड मात्रै दिने भएको छ । जस्तै अनिवार्यमा नेपालीमा ए प्लस, अंग्रेजीमा ए भन्ने मात्रै हुन्छ ।

परीक्षा सार्वजनिक गर्न अपरान्ह तीन बजे बोर्ड बैठक बोलाइएको छ। परीक्षाको नतिजा ग्रेडिङ्मा सार्वजनिक गर्ने बोर्डले जनाएको छ।

Yamaha

चार लाख ४९ हजार ५४ विद्यार्थीले परीक्षा दिएका छन्। विद्यार्थीको ग्रेड सीटमा कुनै विषयमा डी प्लस वा त्यो भन्दा तल्लो तहले मौका परीक्षा दिन पाउने व्यवस्था गर्दैछ। एक भन्दा बढी विषयमा डी प्लस भन्दा कम छ भने अर्को वर्षको परीक्षा कुर्नु पर्ने हुन्छ।

Esewa Pasal

प्रकाशित : पुस २९, २०७४ ११:०७
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT

यात्रुबाहक बस जुद्धा १७ जना घाइते

अर्जुन राजवंशी

दमक — झापाको दमकमा आज बिहान यात्रुबाहक दुई वटा बस आपसमा जुद्धा १७ जना घाइते भएका छन् । घाइतेमध्ये दुवै बसका चालकको अवस्था गम्भीर छ । 

बिहान ८ बजे दमक नगरपालिका ७ स्थित रतुवा खोलाको पुलमा विपरीत दिशाका बसहरु आपसमा ठोक्किएका हुन् । पश्चिमबाट पूर्व जाँदै गरेको को १ ख ३६५९ र पूर्वबाट पश्चिमतिर आउँदै गरेको मे १ ख १७१० नम्बरको बस आपसमा ठोक्किएका हुन् ।

दुर्घटनामा परी दुवै बसका चालकसहित १७ जना यात्रु घाइते भएका हुन् । घाइतेहरुको दमकस्थित लाइफलाइन, आम्दा र नमस्ते हस्पिटलमा उपचार भइरहेको छ । गम्भीर घाइते १७१० नम्बरको बसका चालक झापा कन्काई नगरपालिका ४ का २९ वर्षीय लक्ष्मण कुमाल र ३६५९ नम्बरको बसका चालक सुनसरी रामधुनीभाषी नगरपालिका ५ का ५४ वर्षीय तुलहाई चौधरीलाई थप उपचारका लागि बिराटनगर लगिएको इलाका प्रहरी कार्यालय दमकका प्रहरी नायव उपरिक्षक दीपक गिरीले बताए ।

उनका अनुसार बिहानको समयमा बाक्लो हुस्सु लागेकोले बाटो नदेखेर बसहरु आपसमा ठोक्किन पुगेका हुन् ।

प्रकाशित : पुस २९, २०७४ ११:०१
पूरा पढ्नुहोस्
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT