शितलहरले सप्तरीमा थप २ को मृत्यु

पछिल्लो दुई हप्तामा सप्तरीमा मात्रै २७ को ज्यान गयो
अवधेशकुमार झा

राजविराज — दुई सातादेखि बढेको जाडो र शितलहरका कारण शनिबार सप्तरीमा दुई वर्षे बालकसहित थप २ जनाको मृत्यु भएको छ । यो समेत जिल्लामा पछिल्लो २ हप्तामा शितलहरका कारण मर्नेको संख्या २७ पुगेको छ । 

जिल्ला प्रहरीका डिएसपी धु्रवकुमार श्रेष्ठका अनुसार शनिबार रुपनी गाउँपालिका ८ रायपुरका २ वर्षीय बालक शिवम् पासमानको चिसोका कारण मृत्यु भएको छ ।

Yamaha

पासमानको परिवार अति विपन्न छ ।

यस्तै डाकनेश्वरी नगरपालिका ८ की सुगावतीदेवी सरदारको जाडोका कारण कठयाग्रिंएर मृत्यु भएको डिएसपी श्रेष्ठले जनाए ।

प्रकाशित : पुस २९, २०७४ १७:४८
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT

चितुवाको छालासहित तीन युवक पक्राउ

आश गुरुङ

लमजुङ — प्रतिबन्धित चितुवाको छालासहित प्रहरीले तीन युवकलाई पक्रेको छ । बेंसीसहर नगरपालिका ९ झिंगेखोलाका एक होटलको कोठामा लुकाईछिपाई राखिएको अवस्थामा चितुवाको छालासहित युवकलाई पक्राउ गरेको प्रहरीले जनाएको छ ।

लमजुङको बेंसीसहरमा चितुवाको छालासहित पक्राउ परेका तीन युवालाई शनिबार सार्वजनिक गर्नै प्रहरी । तस्बिर: कान्तिपुर

चितुवाको छाला लुकाइछिपाइ राखिएको छ भनी सुराकीको आधारमा केन्द्रीय अनुसन्धान व्यूरो (सीआइबी) र जिल्ला प्रहरी कार्यालयको टोलीले खानतलासी गर्दा चितुवाको छालासंगै तीन युवक पक्राउ परेको जिल्ला प्रहरी कार्यालयका निरीक्षक बुद्धिसागर पुरीले बताए ।

उनका अनुसार शुक्रबार राति १० बजेको समयमा चितुवाको छालासहित सुन्दरबजार नगरपालिका वडा नं. ५ तार्कुका २७ वर्षीय विनोद तामाङ, सुन्दबजार नगरपालिका वडा नं. ४ का २७ वर्षीय राजेश अधिकारी र सुन्दरबजार नगरपालिका वडा नं. ६ का २७ वर्षीय कमल तामाङलाई पक्राउ गरिएको हो ।

यी युवकले दोर्दी गाउँपालिकाको विकट गाउँ ताँजे क्षेत्रबाट चितुवाको छाला ल्याएको बताएका प्रहरी स्रोतले बताएको छ । प्रहरीले बरामद गरिएको छाला र पक्राउ गरिएका ३ जनालाई शनिबार सार्वजनिक गर्दै कारबाहीको लागि जिल्ला बन कार्यालयमा बुझाइने जानकारी दिएको छ ।

‘जिल्ला वन कार्यालयका निमित्त प्रमुख एवं सहायक वन अधिकृत बालकृष्ण खनालले प्रहरीले चितुवाको छालासहित ३ युवकलाई समातेको खबर आएको र प्रहरीसँग बुझेपछि राष्ट्रिय निकुञ्ज तथा बन्यजन्तु संरक्षण ऐन २०२९ अनन्तर्गत मुद्दा चलाइने बताए । उनका अनुसार अभियोग ठहरिएमा अधिकतम एक लाख जरिवाना र १५ वर्ष कैदको ब्यवस्था रहेको उनले बताए ।

प्रकाशित : पुस २९, २०७४ १७:४४
पूरा पढ्नुहोस्
ADVERTISEMENT
प्रतिक्रिया
पठाउनुहोस्