एक सदस्य मात्रै भएको वडा समिति !

वडा ३ बाट निर्वाचित सदस्य तेज विक्रम शाह, विन्दु शाह, सृजना विक र रति नेपाली जिल्ला समुन्वय समिति तथा नगर कार्यपालिका सदस्यमा निर्वाचित भएका हुन् । शाह जिल्ला समन्वय समिति र विन्दु, विक र नेपाली नगरकार्यपालिका सदस्य हुन् । उनीहरु माथिल्लो निकायमा निर्वाचित भएपछि वडापालिकामा वडा अध्यक्ष शाहको अध्यक्षतामा एक सदस्यीय बैठक बस्ने गरेको छ ।

बैठकमा शाहको एकल निर्णयद्वारा विभिन्न कामकाज हुँदै आएका छन् । सिंगो वडा समितिको हैसियतले वडापालिकाको सम्पूर्ण कामकाज गर्दै आएको अध्यक्ष शाहले बताए । ‘वडा स्तरमा कुनैपनि निर्णय गर्न अल्पमत वा बहुमत भन्ने छैन,’ उनले भने । यसै वडाबाट निर्वाचित सदस्य भएपनि अर्को निकायको सदस्य बन्न पुगेकालाई वडा तहमा निर्णय गर्ने अधिकार नभएको उनले बताए ।