फरार अभियुक्त २९ बर्षपछि पक्राउ
रामेछाप — रामेछापको भुजिमा २९ वर्षअघि भएको हत्यामा संलग्न भई फरार ५६ वर्षीय हरिबहादुर भन्ने ज्ञानकुमार सुनुवारलाइ प्रहरीले पक्राउ गरी अदालत पेश गरेको छ ।
साविक भुजि गाविस ९ का १९ वर्षीय कमलवहादुर सुनुवारको हत्या गरी फरार उनलाई प्रहरीले घरमा आएको सूचना पाएपछि शनिबार भुजिबाट पक्राउ गरेको हो ।
सुनुवार भारतको सिलोङमा बस्दै आएका र बिदामा घर आएको सूचनाको आधारमा उनलाइ पक्राउ गरी आइतबार जिल्ला अदालतमा पेश गरेको प्रहरी निरीक्षक राजेन्द्रकुमार थापाले बताए ।
थापाका अनुसार अदालतले सुनुवारलाइ १० बर्ष कैद भुक्तानका लागि आइतबारै रामेछाप कारागार पठाएको छ ।
प्रतिक्रिया
