राजधानी माग्दै धर्ना
डोटी — प्रदेश राजधानीको माग गर्दै डोटीमा आन्दोलनको स्वरुप फेरिएको छ । सोमबारबाट क्षेत्रीय प्रशासन कार्यालय राजपुरमा धर्ना सुरु गरिएको छ ।
पाँच दिनदेखि डोटीमा जारी आमहड्ताल स्थगित गरी दुई घण्टा धर्ना तथा दुई घण्टा बजार बन्द गर्ने निर्णय भएको संघर्ष समितिका संयोजक नरेन्द्र खड्काले बताएका छन् ।
डोटीमा हुन थालेको ७ नं. प्रदेशको राष्ट्रिय सभा निर्वाचनलाई सम्पन्न गराउन आम हड्ताल फिर्ता लिइएको संघर्ष समितिले बताएको छ । आइतबार बेलुकी ५ बजेबाट अवरुद्ध सडक तथा बजार खोलिएको थियो ।
यसअघि पनि १३ दिनसम्म जिल्ला ठप्प पारी आन्दोलनको स्वरुप बदल्दै २२ दिनसम्म धर्ना र अनसन गरेर राजधानीको माग गरिएको थियो ।