नक्कली जोतभोगकर्ता खडा गरी भ्रष्टाचार गरेको अभियोगमा मुछिएकालाई सफाई

नवलपरासीको दाउन्नेस्थित जग्गा नक्कली जोतभोगकर्ता खडा गरी बेचेको आरोपमा अख्तियार दुरुपयोग अनुुसन्धान आयागले तत्कालीन महाप्रबन्धकहरू नरेश चौधरी र कृष्णदेव चौधरी, कामु प्रमुख नारायणप्रसाद घिमिरे, योजना प्रमुख नागेन्द्र चौधरी, वरिष्ठ सहायक रत्नबहादुर थापालगायतविरुद्ध मुद्दा दायर गरेको थियो । त्यस्तै, सबइन्जिनियर उमेश साह, वरिष्ठ सहायक हरिकृष्ण घिमिरे, नासु खडानन्द तिवारी, गाविसका सहायक कर्मचारी विष्णुप्रसाद अर्याल, गाविस सचिव केशव तिवारीविरुद्ध पनि मुद्दा दायर भएको थियो ।

अख्तियारले उनीहरूसँग ६८ लाख ५१ हजार रुपैयाँका दरले बिगो मागदाबी गरेको थियो । नक्कली जोतभोगकर्ताहरू रामवृक्ष केवट, शोभाकर भुसाल, किंकरप्रसाद दुवे र अशोककुमार चौधरीलाई पनि अख्तियारले प्रतिवादी बनाएको थियो । नक्कली जोतभोगकर्तासँग भने ८३ लाख ६० हजार रुपैयाँका दरले बिगो मागदाबी गरिएको थियो ।