जुम्लामा हिउँ परेपछि...

ढिलो गरी हिउँ परेपनि हिउँदेवालीलाई फाइदा पुग्ने जिल्ला कृषि विकास कार्यालय जुम्लाले जनाएको छ ।

जुम्लाको अहिलेको तापक्रम माइनस ८ डिग्री रहेको छ । चिसो अत्याधिक मात्रामा बढेकाले सदरमुकाम सनुसान छ । हिउँ परेपछि जिल्लाबाहिरका कर्मचारीहरु हिउँ खेल्दै रामाइरहेका छन् भने केहीले हिउँमा फोटो खिचाउँदै सामाजिक सञ्जालमा समेत राख्न थालिसकेका छन् ।

यो वर्ष पहिलोपटक माघको दोस्रो सातामा हिउँ परेको हो । हिउँ परेपछि स्याउ खेतीलाई फाइदा पुग्ने भएपछि किसानहरुलाई अब आफ्नो स्याउ बगैंचा व्यवस्थापनमा ध्यान दिन कृषि विज्ञहरुले सुझाव दिएका छन् ।

चिसो अधिक बढेसँगै यहाँको जनजीवन प्रभावित बनेको छ ।