कान्तिपुर वेबसाईट
AdvertisementAdvertisement
२४.१२°C काठमाडौं
काठमाडौंमा वायुको गुणस्तर: १४९

राजीनामा फिर्ता लिन धनकुटा कांग्रेस कार्यकर्तालाई देउवाको आग्रह

भिषा काफ्ले

काठमाडौँ — प्रधानमन्त्री तथा नेपाली कांग्रेसका सभापति शेरबहादुर देउवाले सामूहिक राजीनामा दिएका धनकुटा कांग्रेसका सबै कार्यकर्ता राजीनामा फिर्ता गर्न आग्रह गरेका छन् ।

राजीनामा फिर्ता लिन धनकुटा कांग्रेस कार्यकर्तालाई देउवाको आग्रह

नेपाली कांग्रेस धनकुटाका पदाधीकारीहरुसँग छलफलपछि सभापति देउवाले लिखित आग्रह गरेका हुन् । उनले अहिले पार्टी कमजोर अवस्थामा पुगेको हुँदा सामूहिक राजीनामा फिर्ता गरी सशक्त पार्टी बनाउन धनकुटाका कांग्रेसहरुले सहयोग गर्नुपर्ने धारणा राखेका थिए । ‘पार्टी अहिले कमजोर अवस्थामा छ ।’ उनले छलफल कार्यक्रममा भने ‘यस्तो अवस्थामा पार्टीलाई सशक्त बनाउन तपाईहरुको राजीनामा फिर्ता गरी सहयोग गर्नुपर्छ ।’

कांग्रेसको नेतृत्व सरकारले एक नम्बर प्रदेशको अस्थायी राजधानी धनकुटालाई नबनाएर विराटनगरलाई बनाएको भन्दै धनकुटा जिल्ला तथा स्थानीय तह कार्यससमितिका पदाधीकारी र सदस्यहरु, भातृ तथा शुभेच्छुक संस्थाका पदाधिकारी तथा सदस्यहरुले सामूहिक राजीनामा दिएका थिए । देउवाले राजनैतिक सहमति कायम गर्नका लागि धनकुटालाई प्रदेश प्रमुखको मुकाम नतोकी अन्यन्त्र तोक्नु परेकोमा आफूलाई दु.ख लागेको बताए । उनल धनकुटालाई अन्यायमा परेको भन्दै विकासका लागि आफूले सक्दो सहयोग गर्ने प्रतिबद्धता व्यक्त गरेका थिए । उनले छलफलका क्रममा पटक पटक पार्टी कमजोर अवस्थामा पुगेकोले आफ्नो बाध्यता बुझिदिन भन्दै धनकुटा कांग्रस कार्यकर्तालाई फकाएका थिए ।


धनकुटा कांग्रेसका सभापति अग्नी पौडेलले पदाधिकारीहरुले प्रदेश प्रमुखको मुकाम तोक्दा धनकुटालाई अन्याय गरेकोले काम गर्ने वातावरण नभएकोले राजीनामा दिनुपरेको बताएका थिए । उनले अब धनकुटालाई प्रदेशको स्थायी राजधानी बनाउन पार्टीले पहल गर्न पार्टी सभापतिलाई सुझाएका थिए ।


जिल्ला कमिटीले धनकुटा विकासको लागि मेडिकल कलेज स्थापना महत्वपूर्ण कार्यालयहरु तत्काल स्थापना गर्नु पर्नेलगायत एक दर्जन मागहरु लिखित रुपमा बुझाएको जिल्ला सचिव विजय सन्तोषी राईले बताए ।

प्रकाशित : माघ १७, २०७४ १५:२५
प्रतिक्रिया
पठाउनुहोस्
जनताको राय

बैंकमा लगानीयोग्य रकम थुप्रिएर साढे ६ खर्ब नाघेको छ। बैंकहरूले ब्याजदर घटाउँदासमेत कर्जा प्रवाह बढ्न नसक्नुको कारण के हो?