विभिन्न अपराधमा संलग्न भएर जिल्ला अदालतबाट मुद्दा फैसला भई कैद र जरिवाना भुक्तान नगरी फरार रहेकालाई पक्राउ गर्ने अभियानअन्तर्गत जिल्ला प्रहरी कार्यालयले एक महिनामा १०० जनालाई पक्राउ गरेको छ ।
परराष्ट्र मन्त्रालयले सातै प्रदेशमा आफ्नो उपस्थिति गराउने भएको छ । परराष्ट्रले पाकिस्तानमा जस्तै हरेक प्रदेशमा प्रोटोकल अधिकृत (शाखा अधिकृत) खटाउने तयारी गरेको छ । सुरुमा सहसचिव र उपसचिव खटाउने विषय उठे पनि शाखा अधिकृत पठाउने तयारी गरिएको मन्त्रालय उच्च स्रोतले बतायो । छिमेकी भारतमा प्रदेश (राज्य सरकार) मा परराष्ट्र मन्त्रालयको उपस्थिति छैन ।
अख्तियार दुरुपयोग अनुसन्धान आयोगले पूर्व प्रहरी महानिरीक्षक उपेन्द्रकान्त अर्यालयको छानविन तामेलीमा राखेको छ । गैरकानूनी सम्पत्ति आर्जनको अभियोगमा अर्यालमाथिको अख्तियारले छानविन गरेको थियो ।
प्रदेश ५ मा आज तयारी गरिएको मुख्य मन्त्रीको नियुक्ति दुई दिनका लागि सरेको छ । प्रदशे ५ मा एमाले नेता शंकर पोखरेल मुख्य मन्त्री पक्का भइसकेको छ । उनी एमाले संसदीय दलका नेता छन् ।
प्रदेश २ को प्रथम अधिवेशनको दोस्रो बैठकमा १६ जना सांसद अनुपस्थित भएका छन् । संघीय समाजवादी फोरमका विजयकुमार यादव, माओवादीका रामचन्द्र मण्डल सहित बैठकमा १६ जना सांसद सहभागी भएनन् ।
नेकपा एमालेका अध्यक्ष केपी ओली र माओवादी केन्द्रका अध्यक्ष पुष्पकमल दाहालले यही साता भित्र पार्टी एकता गरिसक्ने सहमति गरेका छन् । ललितपुरको मानभवनमा सोमबार दिउँसो भएको वान अन वान छलफलमा दुवै अध्यक्षले फागुन पहिलो साता पार्टी एकीकरण गर्ने सहमति गरेका हुन् ।
ललितपुरको पुल्चोकमा रहेको व्यापारिक कम्प्लेक्स लाबिम मलले कर नतिरेको पाइएको छ । सोमबार ललितपुर महानगरपालिकाले लाबिम महलमा अनुगमन गर्दा मलका सञ्चालकले कर नतिरेको पाइएको हो ।
प्रदेश नं चारको मुख्यमन्त्रीमा नेकपा एमालेका पृथ्वी सुब्बा गुरुङ नियुक्त भएका छन् । सोमबार दिउँसो गुरुङले आफू मुख्यमन्त्रीको दाबेदार रहेको बताउँदै प्रदेश प्रमुख समक्ष बहुमत सांसदको हस्ताक्षर सहित दाबी पत्र पेश गरेका थिए ।
प्रहरीले तीन जना भारतीय नागरिकलाई बेलबारी नगरपालिका-९ स्थित एक घरबाट सकुशल अपहरण मुक्त गराएका छन् । भारतको खगडीया जिल्लाको बेन्दोर पञ्चायतका अजय साह, उक्त ठाउँका अखिलेश कुमार साह र दिनबन्धु तिबारीलाई जिल्ला प्रहरी मोरङले अपहरण मुक्त गराएका हुन् ।
हुम्ला हिउँले सेताम्य भएको छ । मौसममा परिर्वतन भई गएरातिबाट हुम्लामा हिउँ परेको हो ।हिमपातले सिमकोट बजार क्षेत्र लगायत आसपासका गाउँबस्ती रुख सेताम्य भएका छन् ।
पछिल्लो दुई वर्षदेखि कान्छी छोरी शान्ता अर्यालसँगै बस्थिन् अर्घखाँचीकी उमाकला ज्ञवाली । पत्थरी र पक्षघातले तीन दिनदेखि खानपिन छोडेकी थिइन् । पाँच छोरीकी आमा र उमेरले ९२ पुगिसकेकी उनको मंगलबार निधन भयो ।
चापागाउँ सल्यान टोलका रमेश अधिकारीको घर सामुदायिक वन क्षेत्रमुनि भिरालो ठाउँमा पर्छ । उनको घरको बायाँपट्टि भिरालो जग्गा डोजर लगाएर सम्याइसकेको छ । अहिले घरमाथि भागमा जग्गा सम्याउन रुख कटान गरिसकेको छ । भिरालो ठाउँ त्यसमाथि बस्ती माथि जग्गा सम्माउँदा वर्षायाममा पहिरोले घर पुरिने र खानेपानी सुक्नेमा स्थानीयवासी चिन्तामा छन् ।
पशुपतिनाथमा महाशिवरात्रिमा आएका साधुमध्ये आइतबारबाट नागा साधुको सेवा सुरु भएको छ । एकादशी बिहान आफ्ना कपडा खोलेर झन्डै ५ सय नागा बाबा पशुपति क्षेत्रभित्र प्रवेश गरेका छन् । गुठी संस्थानले एकादशीबाट नागा साधुको र द्वादशीदेखि अन्य साधुको सेवा गर्ने परम्परा छ ।
सुनसरीको बराह नगरपालिका–१ खहरे बस्ने सात वर्षीया बालिका बलात्कृत भएकी छिन् । स्थानीय १५ वर्षीय छिमेकी किशोर खेमराज परियारले जबर्जस्ती बलात्कार गरेको बालिकाले प्रहरीलाई बताएकी छिन् ।
प्रदेश ३ को मुख्यमन्त्रीमा एमाले संसदीय दलका नेता डोरमणि पौडेलले सोमबार बिहान शपथ लिएका छन् । संघीय नेपालका ७ वटा प्रदेशमध्ये मुख्यमन्त्री नियुक्त हुने उनी पहिलो व्यक्ति हुन् । अन्य प्रदेशमा पनि मुख्यमन्त्री नियुक्ति प्रक्रियामा छ ।
प्रदेश ३ को मुख्यमन्त्रीमा एमाले संसदीय दलका नेता डोरमणि पौडेल नियुक्त भएका छन् । संघीय नेपालका ७ वटा प्रदेशमध्ये मुख्यमन्त्री नियुक्त हुने उनी पहिलो व्यक्ति हुन् । अन्य प्रदेशमा पनि मुख्यमन्त्री नियुक्ति प्रक्रियामा छ ।
प्रधानन्यायाधीश गोपाल पराजुलीले जिल्ला प्रशासन कार्यालयमा कम्तीमा दुई पटक जन्ममिति फेरबदल गरेको र तीन पटक प्रतिलिपि निकालेको तथ्य कान्तिपुरले फेला पारेको छ ।
कांग्रेस, माओवादी र मधेस केन्द्रित दलहरूले प्रतिनिधिसभा समानुपातिकतर्फको सांसदको सूची निर्वाचन आयोगमा सोमबार बुझाउने तयारी गरेका छन् । जितेका सिटमा समूह मिलाउने प्राविधिक तयारीले आइतबार बुझाउन नभ्याइएको ती दलले जनाएका छन् ।
संसद् सचिवालयले प्रतिनिधिसभा र राष्ट्रिय सभाको बैठकको तयारी पूरा भएको जनाएको छ । नयाँ बानेश्वरस्थित अन्तर्राष्ट्रिय सम्मेलन केन्द्रमा दुवै सदनका बैठक कक्षको तयारी पूरा भएको संसद् सचिवालयका सहसचिव भरतराज गौतमले बताए ।
शिवपुरी–नागार्जुन निकुञ्जको उत्तरपूर्वमा रहेका चारवटा बस्तीका ३ सयभन्दा बढी घर गोकर्णेश्वर नगरपालिकामा स्थानान्तरण गरिने भएको छ । निकुञ्जले मूलखर्क, ओख्रेनी, चिलाउने र कुने गाउँलाई गोकर्णेश्वर नगरपालिका–३ को नयाँपाटी र सुन्दरीजल क्षेत्रमा स्थान्तरण गर्ने प्रस्ताव वन मन्त्रालयमा पेस गरेको छ । निकुञ्जका प्रमुख संरक्षण अधिकृत (चिफ वार्डेन) कमलजंग कुँवरले ‘बस्तीको स्थानान्तरणसम्बन्धी प्रस्ताव’ राष्ट्रिय निकुञ्ज विभागमा पेस गरेका हुन् । प्रस्ताव विभाग हुँदै मन्त्रालय पुगेको छ ।
भारतीय स्थल सेना प्रमुख विपिन राउत सोमबार नेपाल आउँदैछन् । नेपाल एकीकरणको २ सय ५० औं वर्षगाँठ मनाउने क्रममा मंगलबार गरिने ‘सेना दिवस २०७४’ को कार्यक्रममा विशेष अतिथिका रूपमा भारतीय सेनाध्यक्ष सहभागी हुनेछन् ।
इच्छाकामना गाउँपालिका १ थाप्राङका विष्णु चेपाङलाई सधैं एउटै चिन्ता छ– अपांगता भएका छोरा गौखुट्टेलाई कसरी हुर्काउने । जन्मिएको २० दिन हुँदा अँगेनामा परेका थिए उनी । लगाउने न्यानो लुगा थिएन न त ओढ्ने–ओछ्याउने ।
माथिल्लो कर्णाली जलविद्युत् आयोजनाको विकासकर्ता भारतीय कम्पनी जीएमआरको कार्यालयमा अज्ञात समूहले बम विस्फोट गराएको छ । आयोजनाको बाँधस्थल दैलेखको डाब र वीरेन्द्रनगर खजुरास्थित कार्यालयमा शनिबार राति एकै समयमा विस्फोट गराएको प्रहरीले जनाएको छ । विस्फोटबाट पर्खाल र सुरक्षा चेकपोस्ट भत्केका छन् ।
कांग्रेस वरिष्ठ नेता रामचन्द्र पौडेलले नयाँ सरकारलाई स्वागत गर्न प्रतीक्षारत रहेको बताएका छन् । दमौलीमा आइतबार जिल्ला सभाहल शिलान्यासपछि उनले यस्तो बताएका हुन् ।
दुहु गाउँपालिकाको केन्द्र हिकिलामा सडक पुगेपछि स्थानीय रामसिंह कार्की ठूलै लगानीमा घर निर्माण गरिरहेका छन् । दार्चुला–तिंकर सडक गाउँ छिचोल्दै अघि बढेपछि उनी जस्ता धेरै स्थानीय आधुनिक घर निर्माण गरेर व्यापार, व्यवसाय गर्ने योजना बुनिरहेका छन् ।
आइतबार छुट्टाछुट्टै स्थानमा भएका ट्रयाक्टर दुर्घटनामा २ जनाको मृत्यु भएको छ । गौशाला नगरपालिका १ बाट उखु लिएर रामनगरस्थित एभरेस्ट चिनी मिल जाँदै गरेको ज१त ३७१६ नम्बरको ट्रयाक्टर दुर्घटना हुँदा सर्लाही चन्द्रनगर ३ का २५ वर्षीय चालक पुनित महतोको घटनास्थलमै मृत्यु भएको हो ।