दुर्घटनामा दुईको मृत्यु

महोत्तरी — आइतबार छुट्टाछुट्टै स्थानमा भएका ट्रयाक्टर दुर्घटनामा २ जनाको मृत्यु भएको छ । 
गौशाला नगरपालिका १ बाट उखु लिएर रामनगरस्थित एभरेस्ट चिनी मिल जाँदै गरेको ज१त ३७१६ नम्बरको ट्रयाक्टर दुर्घटना हुँदा सर्लाही चन्द्रनगर ३ का २५ वर्षीय चालक पुनित महतोको घटनास्थलमै मृत्यु भएको हो ।

यस्तै, लोहरपट्टी ४ महदैयाका विश्वेश्वरप्रसाद साहको ज१त ७६७० नम्बरको ट्रयाक्टरले ठक्कर दिंदा भारत उत्तर प्रदेशका ननो महमदका २ वर्षीय छोरा कासिमको मृत्यु भएको प्रहरीले जनाएको छ । घाइते बालकको उपचारका क्रममा जनकपुरस्थित अञ्चल अस्पतालमा मृत्यु भएको थियो ।

प्रकाशित : माघ २९, २०७४ ०६:४४

प्रतिक्रिया

पठाउनुहोस्