हिउँले सेताम्य हुम्ला

हिमपातले गर्दा जाडो बढेपछि जनजीवन उत्तिकै प्रभावित बनेको छ ।

गएरातिबाट सिमकोट बजारमा करिव दुई फिटभन्दा बढी हिउँ जमेको र अझै हिउँ पर्ने क्रम जारी रहेको सिमकोट गाउँका राजन रावतले जानकारी गराए ।

हुम्लाको उत्तरी तिब्बत सिमा क्षेत्रसंग जोडिएका बस्ती यारी, लिम, बुचु लगायत बस्तीमा भारी हिमपात भएको छ । हिमपातले तिब्बती हिल्सा नाका अवरुद्ध बनेको छ ।

हिमपातका कारण हवाई सेवासमेत अवरुद्ध भएको छ । गाउँबस्तीबाट सिमकोट बजार आउजाउ गर्न स्थानीयलाई असहज भएको छ । यो बर्ष हुम्लामा तीन पटक हिउँ परिसकेको छ ।

हिमपातले जनजीवन प्रभावित बनेपनि बाली, फलफुल तथा जडिबुटी सप्रिने आशाले किसान भने निकै खुशी भएका छन् । हिमपात भएपछि सुबिकाल हुने स्थानीयको भनाई छ ।

मुगुमा भने गएरातिबाट उच्च हिमाली बस्तीमा हल्का हिमपात भएको र औलबस्तीमा झरी परेको छ । खडेरीले काकुल भएका किसान झरीले खुशी भएका छन् ।