४ नम्बर प्रदेशको मुख्य मुख्यमन्त्रीमा पृथ्वी सुब्बा गुरुङ
पोखरा — प्रदेश नं चारको मुख्यमन्त्रीमा नेकपा एमालेका पृथ्वी सुब्बा गुरुङ नियुक्त भएका छन् । सोमबार दिउँसो गुरुङले आफू मुख्यमन्त्रीको दाबेदार रहेको बताउँदै प्रदेश प्रमुख समक्ष बहुमत सांसदको हस्ताक्षर सहित दाबी पत्र पेश गरेका थिए ।
त्यसपछि ४ नम्बर प्रदेश प्रमुख बाबुराम कुँवरले गुरुङलाई मुख्यमन्त्री घोषणा गरेका हुन् । गुरुङलाई फूलमाला लगाएर बधाइ दिनेको सहिद चोकस्थित प्रदेश प्रमुखको कार्यालयमा घुँइचो लागेको छ ।
अपडेट...
......
प्रदेश नं. चारको मुख्यमन्त्रीका लागि एमालेका संसदीय दलका नेता पृथ्वी सुब्बा गुरुङले सोमबार प्रदेश प्रमुख बाबुराम कुँवर समक्ष संसदको हस्ताक्षर सहितको दाबी पत्र पेश गरेका छन् ।
एमालेका २७ र माओवादी केन्द्रको १२ गरी ३९ जनाको हस्ताक्षर पोखराको सहिद चोकमा रहेको प्रदेश प्रमुखको कार्यालयमा बुझाएका छन् ।
पत्र बुझाउन एमालेका प्रदेश नं. चारका संयोजक किरण गुरुङ र माओवादी केन्द्रका इन्चार्ज देव गुरुङ पनि साथै गएका छन् ।
प्रकाशित : माघ २९, २०७४ १४:५५
