डिस्चार्ज भए जोन तामाङ
ललितपुर — करिब दुई हप्ताको उपचारपछि १७ वर्षीय बालक जोन तामाङ मंगलबार डिस्चार्ज भएका छन् । फुल्चोकीमा हिउँ हेरेर फर्किने क्रममा हराएका तामाङ गत माघ १७ गते बिरामी अवस्थामा फेला परेका थिए ।
फुल्चोकी जंगलबाट भेटिनसाथ उनलाई बीएण्डबी अस्पताल पुर्याइएको थियो ।
ललितपुरको थसिखेलस्थित अजय शिशू सदनमा अध्ययनरत उनी फुल्चोकीमा हिउँ हेरेर फर्किंदा हराएका थिए । विद्यालयका प्रिन्सिपलसहित ५ र ६ का ११ विद्यार्थी हिउँ हेर्न गएका थिए। कक्षा ६ बाट फुल्चोकी जानेमा तामाङ एक्ला थिए।
प्रिन्सिपलको लापरबाहीले यस्तो घटना भएको अभिभावकको आरोपपछि प्रहरीले विद्यालयका प्रिन्सिपल दुर्गाबहादुर ओलीलाई समेत नियन्त्रणमा लिएको थियो ।
प्रतिक्रिया