अन्तर्राष्ट्रिय विमानस्थलमा लागेको आगो निभाइँदै
काठमाडौँ — त्रिभुवन अन्तर्राष्ट्रिय विमानस्थलको डम्पिङ साईट (फोहोर थुपार्ने ठाउँ)मा आगो सल्केको छ । विमानस्थलका एसएसपी प्रेम चन्दका अनुसार आगोबाट विमानस्थलमा कुनै समस्या भएको छैन ।
कान्तिपुरसँग कुरा गर्दै चन्दले भने, ‘वर्षौदेखि थुपारिएको प्लास्टिक र अन्य फोहोरमा आगो लागेको हो । आगो करिब-करिब नियन्त्रणमा आइसकेको छ ।’
आगो निभाउन दुईवटा दमकल प्रयोग गरिएको छ । एसएसपी चन्दका अनुसार विमानस्थलको डोमेस्टिक साइटको बाहिरपट्टि आगो लागेको हो ।
प्रकाशित : फाल्गुन १, २०७४ १७:१९