चट्याङबाट घाइते पाँच सैनिकलाई काठमाडौँ पठाइयो

रासस

बैतडी — चट्याङ लागेर गम्भीर घाइते भएका पाँच सैनिकलाई थप उपचारका लागि बुधबार हेलिकप्टरमार्फत काठमाडौँ पठाइएको छ ।

जिल्लामा उपचार हुन नसकेपछि शत्रुमर्दन गुल्ममा कार्यरत हुद्दा अमरसिंह आलेमगर, अमलदार बलराम थापामगर, सिपाही दिनेशराज भट्ट, धनबहादुर ठनेत र सोनाम लामा तामाङलाई थप उपचारका लागि काठमाडौँ पठाइएको जिल्ला प्रहरी कार्यालयका प्रहरी नायब उपरीक्षक हेरम्ब शर्माले जानकारी दिए ।

उनीहरुको काठमाडौँस्थित नेपाली सेनाको वीरेन्द्र छाउनी अस्पतालमा उपचार भइरहेको बताइएको छ । मंगलबार साँझ वर्षासँगै एक्कासि परेको चट्याङले शत्रुमर्दन गुल्मअन्तर्गत कठपतेमा तालीम गरिरहेका २२ सैनिक घाइते भएका थिए । घाइतेमध्ये १७ सैनिकको जिल्ला अस्पतालमा उपचार भइरहेको छ ।

प्रकाशित : फाल्गुन २, २०७४ २०:०३
प्रतिक्रिया
पठाउनुहोस्

नेपाल विश्वकप छनोटमा प्रवेश, जितमा करण नायक

कान्तिपुर संवाददाता

काठमाडौँ — विश्व क्रिकेट लिग डिभिजन २ को लिग चरण अन्तर्गत अन्तिम खेलमा क्यानाडालाई १ विकेटले पराजित गर्दै नेपालले आईसीसी विश्वकप छनोटमा स्थान बनाएको छ।

क्यानाडाले प्रस्तुत गरेको १ सय ९५ रनको लक्ष्य नेपालले ९ विकेट गुमाउँदै अन्तिम बलमा प्राप्त गर्यो।

करण केसीले ३१ बलमा नटआउट ४२ रन प्रहार गरेपछि नेपाल जितसम्म पुगेको थियो। सन्दीप लामिछाने ५ रनमा नटआउट रहे।

नेपालका लागि ओपनर दिलीप नाथले ४१ तथा आरिफ शेखले २६ र रोहित कुमार पौडेलले २७ रन बनाए।

त्यसअघि स्रिमान्था विजरत्नेले नटआउट १ सय ३ रन प्रहार गरेपछि क्यानाडाले ५० ओभरमा ८ विकेट गुमाउँदै १ सय ९४ रन जोडेको थियो।



प्रकाशित : फाल्गुन २, २०७४ २०:००
पूरा पढ्नुहोस्
प्रतिक्रिया
पठाउनुहोस्