विस्फोटमा संलग्न तीन पक्राउ

मंगलबार नेपाल बन्दका दिन चार ठाउँमा राखिएकामध्ये विजयपुर खोलाको पुलनजिक प्रेसरकुकर बम विस्फोट हुँदा सञ्चारकर्मी र प्रहरी जवान घाइते भएका थिए । अन्य तीन स्थानमा राखिएका बम नेपाली सेनाले निष्क्रिय पारेको थियो ।

पक्राउ पर्नेमा नेकपाका जनसरकार प्रमुख जगन भनिने नन्दप्रसाद तिवारी, उक्त पार्टीनिकट अखिल नेपाल क्रान्तिकारी किसान संघका कास्की अध्यक्ष पुष्प कार्की र अखिल नेपाल क्रान्तिकारी निर्माण मजदुर संघका खडकबहादुर राई छन् । तीनैजनाविरुद्ध विस्फोट पदार्थअन्तर्गत मुद्दा दर्ता गरिएको छ । कास्की जिल्ला अदालतबाट म्याद थप गरी अनुसन्धान भइरहेको प्रहरीले जनाएको छ ।

विजयपुरमा बम विस्फोट हुँदा रेडियो गण्डकीका स्टेसन म्यानेजर घनश्याम पाण्डे र प्रहरी जवान कुलबहादुर खत्री घाइते भएका थिए । उनीहरूको उपचार भइरहेको छ ।